web counter
LEXO PA REKLAMA!

SHKARKO APP

App Store
Google Play

E fundit!

x

Rama me kryetarët e degëve të PS-së/ Çfarë u kërkoi të vetëve

20 Korrik 2022, 18:57, Politikë CNA
Rama me kryetarët e degëve të PS-së/ Çfarë u
Kryeministri Edi Rama

Kryeministri Edi Rama ka dhënë disa mesazhe të forta në takimin që ka mbajtur pasditen e sotme me drejtuesit e rinj të degëve të Partisë Socialiste, në 61 bashkitë e vendit.

Rama tha se PS-ja duhet të bëjë një transformim që shkon paralel me ndryshimet e kohës dhe të largohet nga e vjetra.

Kreu i qeverisë u kërkoi drejtuesve të rinj që ta bëjnë PS-në një parti të hapur, jo të mbyllur brenda një rrethi njerëzish.

“E bëjmë këtë takim në mënyrë që e gjithë anëtarësia të ketë mundësi të ndjekë. Në vijim të mbylljes së një procesi të rëndësishëm ripërtëritjeje dhe të një përzgjedhjeje të kryetarëve të PS-së në 61 bashki.

Janë 3 bashki të cilat duhet të përfundojnë procesin brenda muajit korrik dhe ky është tregues i faktit që nga ana e sekretariatit të partisë, në qendër nga ana e sekretarit të organizimit që e ka koordinuar këtë proces, është kërkuar që procesi të jetë cilësor dhe të jetë korrigjues. Ndonjëherë më shumë se tek-tuk janë mbyllur sytë për të lejuar që fiktiviteti të ngjitet deri në majën e organizimit të partisë në bazë.

Të gjithë ju që jeni zgjedhur për drejtim partie në prag të një sfide të re si ajo e zgjedhjeve dhe njësitë edhe më të rëndësishme të transformimit hap pas hapi të partisë në dicka tjetër që t’i përgjigjet kohës së re që jetojmë, ndryshimeve të rëndësishme që ndodhin në mënyrë të vazhdueshme dhe i përgjigjen një nevoje për të mbajtur sa më pranë njerëzit që na kanë besuar, që na besojnë dhe që duam të na besojnë.

Në një kohë të re për diçka të ndryshme edhe në sensin e largimit sa më shumë nga aksi tmerrësisht i vjetër dhe shumë i konsumuar i një partie të dedikuar si një hapësirë ku disa ankohen se duan punë në shtet dhe disa kërkojnë punë në shtet dhe disa thonë çfarë t’i themi ne x apo y kur nuk jemi në gjendje t’i japim dhe kryetarit të partisë një punë në shtet. Partia duhet të mobilizojë forcat që të jetë zëdhënëse e shumicës qeverisëse në territor.

Të jetë një parti llogarikërkuese në funksion të shqetësimeve që konstaton në kontaktin me njerëzit, parti që përçon qoftë shqetësimet dhe qëllimet dhe vendimet e rëndësishme të shumicës qeverisëse, por nga ana tjetër edhe shqetësimet e hallet e njerëzve që i besojnë kësaj shumice. Parti e territorit, jo e mbyllur brenda një rrethi njerëzish që bëjnë çmos të zgjidhen dhe pasi u zgjidhen rrinë me njëri-tjetrin, pinë kafe dhe flasin me njëri-tjetrin e nuk flasin me të tjerët. Kjo është gjëja që unë besoj, ka të ngjarë të ketë shtyrë shumë nga të rinjtë që të kandidojnë dhe që janë këtu sot me idenë që duhet ta ndryshojnë këtë gjë. Cilido dhe cilado që merr një përgjegjësi të kësaj natyre përsipër, duhet të ketë ambicien që t’i japë diçka të re partisë. Jo të jetë një i ri dhe një e re që për pak muaj bëhet më i vjetër se partia dhe që merr më shpejt hilet sesa rregullat”, tha Rama./ B.A. - CNA.al





Lajmet e fundit nga