web counter
LEXO PA REKLAMA!

SHKARKO APP

App Store
Google Play

E fundit!

x

Tritan Shehu zbulon gabimin e Ramës/ Pse nuk donte ta ndante integrimin e Shqipërisë nga Maqedonia e Veriut

20 Korrik 2022, 16:24, Politikë CNA
Tritan Shehu zbulon gabimin e Ramës/ Pse nuk donte ta ndante integrimin e
Deputeti i Partisë Demokratike, Tritan Shehu

Deputeti i Partisë Demokratike, Tritan Shehu, ka treguar atë që ai e cilëson gabim fatal të kryeministrit Edi Rama.

Shehu tha se gabimi i Ramës është se lidhi integrimin e Shqipërisë me atë të Maqedonisë së Veriut. Sipas tij, këtë kreu i qeverisë e bëri, pasi kishte frikë të ballafqoheshim të vetëm me BE-në.

“Fakti që e lidhën me Maqedoninë e Veriut qe një gabim fatal, Rama e bëri këtë. Ai nuk deshte në asnjë mënyrë që ne të ndaheshim nga Maqedonia e Veriut.

Pse? Se ai kishte frikë të ballafaqoheshim të vetëm, se do të bazoheshin te standardet. Do të kishim monitorim më të fortë”, u shpreh ai.

I pyetur në emisionin “Top Talk” për qëndrimet e Ramës kundrejt BE-së, deputeti deklaroi se ai është artist.

“Rama është artist. Pra, domethënë unë mendoj se në këtë prizëm jemi. Pavarësisht është shumë e rëndësishme, shumë pozitive se u konfirmua e ardhmja jonë. Kërkon punë shumë serioze nga qeveria. Me një qeveri serioze ne mund të anëtarësohemi në një periudhë 6-vjeçare.

BE nuk ka qenë asnjëherë e disinteresuar për integrimin. Akuzat e Ramës ishin absurde. BE-ja e ka pasur të plotë vullnetin. Interesimi varet me standarte. Ne nuk na intereson t’i mbyllim. Duhet të forcojmë demokracinë, luftën ndaj korrupsionit…”, theksoi Shehu./ B.A. – CNA.al





Lajmet e fundit nga