web counter
LEXO PA REKLAMA!

SHKARKO APP

App Store
Google Play

Etilda Gjonaj: Cilët kapituj do të hapen sipas metodologjisë së re të BE-së

19 Korrik 2022, 20:37, Politikë CNA
Etilda Gjonaj: Cilët kapituj do të hapen sipas metodologjisë
Zëvendëskryetarja e Komisionit për Integrimin Europian, Etilda Gjonaj

Zëvendëskryetarja e Komisionit për Integrimin Europian, Etilda Gjonaj, thotë se hapja e negociatave me Bashkimin Europian është fillimi i një procesi shumë sfidues, sidomos për qeverinë.

Në një intervistë për “Euronews Albania”, Gjonaj u shpreh se sipas metodologjisë së re për zgjerimin, do të hapen disa kapituj njëkohësisht.

“Nëse për vendet e mëparshme që kanë kaluar këtë proces, janë hapur kapituj si 23 dhe 24, që janë kapitujt që mbyllen gjithashtu të fundit, për Shqipërinë dhe Maqedoninë e Veriut me metodologjinë e re do hapet i gjithë ai që konsiderohet grupimi apo klasë të riparë, ku përfshihen edhe kapituj të tjerë.

Kjo është pozitive sepse hapen disa kapituj në të njëjtën kohë. Por, kemi edhe përgjegjësi se do të na duhen të kryejmë një sërë procesesh paralelisht. Pra, jo vetëm me dy kapituj të rëndësishëm si 23 dhe 24 për reformën në drejtësi dhe korrupsionin, por edhe kapituj të tjerë që lidhet me pjesën e procedurave të prokurimeve publike apo lëvizjes së lirë të mallrave”, u shpreh ajo.

Këtë të martë në Bruksel u zhvillua Konferenca e parë Ndërqeveritare mes Shqipërisë dhe Bashkimit Europian.

Hapja e negociatave do të thotë një proces teknik që do të nisë me kontrollin e plotë të administratës shtetërore shqiptare dhe të gjithë legjislacionit shqiptar që të përafrohet me legjislacionin e Bashkimit Europian.





Lajmet e fundit nga