web counter
LEXO PA REKLAMA!

SHKARKO APP

App Store
Google Play

Rama në Bruksel/ Krenar për “Rilindasit” e arrestuar

19 Korrik 2022, 12:21, Politikë CNA

Rama në Bruksel/ Krenar për “Rilindasit” e arrestuar

Kryeministri Edi Rama sot gjatë fjalës së tij në Bruksel, ku po mbahet konferenca ndërqeveritare mes Shqipërisë dhe Maqedonisë së Veriut, me BE-në, është ndalur te Reforma në Drejtësi.

Rama është shprehur krenar që tashmë janë në pranga ish-ministra apo ish-zyrtarë socialistë, duke tentuar ta shesë këtë si “arritje”.

“BE ka qenë gjithmonë më shumë sesa afate apo shkresa. Kërkimi ynë për Europën do të ishte kthyer në një punë jofrymëzuese, nëse kjo nuk ndodhi është se integrimi ynë në Europë është një çështje për jetë a vdekje. Kjo është arsyeja, edhe pse e shtymë padrejtësisht për 3 vite me radhë.

Reforma në Drejtësi kaloi në fazën e zbatimit. Këto vite kanë qenë shumë sfiduese dhe na kanë bërë më të vendosur në luftën kundër krimit të organizuar dhe korrupsionit. Ne shkatërruam të gjithë pallatin e vjetër të drejtësisë së korruptuar dhe tani kemi institucione të reja. Nëse vetëm pak vite më parë do pyesnit dikë në Shqipëri nëse do të kishin menduar se do ishte një politikan pas hekurave, do kishte qeshur me ju. Tani është më ndryshe, as paratë nuk mund t'iu mbrojnë më.

Unë qëndroj këtu sot si lider i një maxhorance të zgjedhur në mënyrë demokratike që nuk ka mbrojtur askënd nga Drejtësia. Shumë hije të së shkuarës vazhdojnë. Kaq të etur për të vazhduar luftën tonë në një nivel tjetër.”-tha ndër të tjera Rama.

Më tej, Rama tha se “Më besoni, në një zonë si Ballkani, më shumë shqetësim për idealet e integrimit europian do të thotë më pak fantazma nga historia në jetën tonë politike”, ndërsa shtoi se “Europa me vlerat dhe parimet e saj është ajo që e bën të mundur një Ballkan tjetër, një Ballkan paqeje, sigurie dhe prosperiteti”./CNA.al





Lajmet e fundit nga