E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Rënia e e-Albania/ Ristani akuza Qeverisë, paralajmëron qytetarët

18 Korrik 2022, 17:13, Politikë CNA

Rënia e e-Albania/ Ristani akuza Qeverisë, paralajmëron

Anëtari i Kryesisë së Partisë Demokratike, Arben Ristani

Anëtari i Kryesisë së Partisë Demokratike, Arben Ristani, ka hedhur akuza ndaj kryeministrit Edi Rama për hakerimin e platformës qeveritare e-Albania.

Në një deklaratë për shtyp, Ristani i cilësoi qëndrimet e Ramës si një skenar hollivudian, ndërsa pretendon se Qeveria po mundohet të fshehë më shumë se të zbulojë.

Ai kujtoi rastin e patronazhistëve, të cilët kishin në duar të dhëna të qytetarëve shqiptarë, që pretendon se ishin siguruar përmes të njëjtit sistem.

Anëtari i Kryesisë së PD-së paralajmëroi se pas lajmit për hakerimin mund të fshihen rrjedhje të tjera të databazës dhe të dhëna sensitive publike.

Deklarata e Arben Ristanit:

Qeveria ka njoftuar sot për një sulm kibernetik kundër sistemeve qeveritare dhe faqes e-albania.

Me gjuhën e një skenari hollivudian, me hakera dhe armiq ndërkombëtarë, duket se qeveria po mundohet të fshehë më shumë se të zbulojë.

Më i pabesueshëm bëhet hakerimi po të kujtojmë rekordet thuajse kriminale të qeverisë sa i takon privatësisë së qytetarëve.

Partia Demokratike risjell në vëmendje rastin e patronazhistëve, të cilët kishin në duar të dhëna të qytetarëve shqiptarë, të siguruara përmes të njëjtit sistem, për të cilin sot thonë se është hakeruar.

Në një rast të dytë të paprecedent, punonjësit e së njëjtës administratë nxorën të dhëna sensitive të qytetarëve, që nga rrogat, të dhënat personale e me rradhë.

Një qeveri që ka një rekord të tillë në trajtimin e bankës së të dhënave të nënshtetasve, duket e pabesueshme kur thotë se ka rënë pre e metodave të veta.

Kur të tjerët e trajtojnë ashtu si ajo trajton qytetarët e vet, për shqiptarët kjo nuk përbën lajm, por pazotësi të qeverisë.

Partia Demokratike, duke njohur ‘instrumentet e së keqes’ që përdor Rama, paralajmëron publikun se, pas lajmit për hakerimin mund të fshihen rrjedhje të tjera të databazës dhe të dhëna sensitive publike.

Kur kjo të ndodhë, Shefi i Shtabi të Përgjithshëm të Patronazhistëve, do t’ja hedhë fajin hakerimit të bërë nga ‘forca të panjohura’./ B.A. - CNA.al