web counter
LEXO PA REKLAMA!

SHKARKO APP

E fundit!

x

Berisha, sërish kundër amnistisë fiskale/ Harron propozimin e vitit 2011

18 Korrik 2022, 12:16, Politikë CNA
Berisha, sërish kundër amnistisë fiskale/ Harron propozimin e
Sali Berisha

Ish-kryeministri Sali Berisha ka dalë sot në një konferencë për mediat, ku është shprehur sërish kundër amnistisë fiskale.

Ai i kërkoi kryeministrit Edi Rama të heqë dorë përfundimisht nga ligji i amnistisë, duke harruar që ky ka qenë prezantimi i vetë liderit demokrat në vitin 2011.

“Unë jam këtu për t’i kërkuar Edi Ramës publikisht që në përgjigje të këtij vendimi fisnik të KE-së të mos guxojë të provokojë partnerët tanë, por të deklarojë se heq dorë përfundimisht nga ligji i amnistisë fiskale, kundër të cilit është shprehur haptas, KE-ja, vendet anëtare të BE-së me karrige bosh në takimin e tij të fundit, janë shprehur kundër Dhomat e Tregtisë të Gjermanisë, Francës, Turqisë dhe Dhomat e Biznesit shqiptar.

Problemi më i madh që vendet anëtare kanë me Shqipërinë është kriminaliteti. PD angazhohet se me të ardhur në pushtet ajo do të invalidojë amnistinë fiskale dhe kriminale të Ramës dhe do të vendosë para ligjit të gjithë personat që kanë përfituar nga kjo amnisti, duke u kërkuar origjinën e të ardhurave. Emrat e këtyre personave do t'u jepen organeve të vendeve perëndimore që t’i përndjekin edhe atje nëse kanë veprimtari”, tha Berisha./E.T-CNA.al





Lajmet e fundit nga