web counter
LEXO PA REKLAMA!

SHKARKO APP

App Store
Google Play

Konferenca ndërqeveritare Shqipëri-BE/ Rama e nis me falënderime

19 Korrik 2022, 09:15, Politikë CNA

Konferenca ndërqeveritare Shqipëri-BE/ Rama e nis me falënderime

Sot po mbahet konferenca e parë ndërqeveritare për integrimin në BE, të Shqipërisë dhe Maqedonisë së Veriut.

Kryeministri Rama gjatë një deklarate të përbashkët për mediat me Ursula von der Leyen, Presidente e Komisionit Europian, Petr Fjala, Kryeministër i Çekisë dhe Dimitar Kovaçevski, Kryeministër i Republikës së Maqedonisë së Veriut, ka theksuar se duhet ndërtuar një Shqipëri e fortë dhe europiane.

Ai falënderoi Ursula von der Leyen, presidentin francez Emmanuel Macron, si dhe ish-kancelaren gjermane, Angela Merkel, për punën që kanë bërë në këtë rrugëtim të Shqipërisë, drejt BE-së.

Po ashtu ai ka falënderuar edhe popullin shqiptar, ndërsa theksoi se për asnjë moment nuk u dorëzua në ëndrrën e tij për të qënë pjesë e familjes europiane.

“Do t’ia nis me falënderime dhe dua të falënderoj presidenten e Komisionit, zonjën Ursula, e cila e di dhe dinte se si të luftonte për ne dhe të gjitha shtetet anëtare. Dua të falënderoj një tjetër zonjë gjermane që nuk është më aktive, por pa të nuk do të ishim këtu sot. Angela Merkel, ajo ka ditëlindjen dhe do të doja t’i uroja gjithë të mirat. Nuk  do të ishim këtu pa përpjekjet e presidencës franceze dhe Macronit. Faleminderit mbarë popullit shqiptar, i cili kurrë nuk u dorëzua dhe kurrë nuk reshti së ëndërruari ndjekjen e rrugës europiane.

Pas 3 vitesh kaq të ndërlikuara, ku refuzimet nga BE, lufta, pandemia krijuan një situatë të vështirë, por na forcuan. Ne e dimë që ky nuk është fillimi i fundit, por është fundi i fillimit. Është mirë kështu si është dhe neve thjesht na duhet të ngremë dhe të ndërtojmë një Shqipëri europiane dhe të fortë dhe një 'Ballkan të Hapur' Perëndimor.”-tha Rama./CNA.al





Lajmet e fundit nga