web counter
LEXO PA REKLAMA!

SHKARKO APP

App Store
Google Play

Mesazhi i Paolo Borselinos/ Murrizi, “shuplakë” politikës dhe drejtësisë

19 Korrik 2022, 13:02, Politikë CNA

Mesazhi i Paolo Borselinos/ Murrizi, “shuplakë” politikës

Ish-deputeti demokrat, Myslim Murrizi, ka risjellë në vëmendje sot ish-gjyqtarin Paolo Borsellino, i cili u vra 30 vite më parë, pasi i shpalli luftë mafies.

Në një postim në rrjetet sociale, Murrizi risjell në vëmendje një fjali të Borsellinos, ndërsa heq një paralele me situatën e sotme në Shqipëri.

Murrizi bën një “skanim” të drejtësisë, ndërsa i jep një “shuplakë” të fortë edhe politikës.

“Paolo Borsellino, simbol i kurajos së njeriut të drejtësisë në luftë kundër mafias.

I vrarë nga mafia me shkeljen e syrit nga politika, sot 30 vite më parë.

Paolo Borsellino veç punës si gjyqtarë i pa trembur, i pa korruptuar dhe model se si duhet të jetë një përfaqësues i drejtësisë, ka thënë nje postulat brilant që është prezent sot në shumë vende përfshirë edhe Shqipërinë.

Paolo Borsellino ka thënë: 'Mafia dhe shteti janë organizata që jetojnë në të njëjtin territor, të cilat herë i hapin luftë njera-tjetrës dhe herë punojnë së bashku'.

A mendoni se ky bashkëpunim është prezent në Shqipëri ????

Apo pas 'reformës' në drejtësi prokurorët dhe gjyqtarët që kanë kaluar Vetingun 'janë' si Paolo Borsellino????

Kur shoh në krye të SPAK-ut nje ish kandidat për deputet të rinisë komuniste të 31 marsit 1991, kur shoh që drejtues i KED, është ish hetuesi Dvorani, kur shoh që drejtor i Shkollës së Magjistraturës ku përgatiten gjyqtarë dhe prokurorë është ish hetuesi Sokol Sadushi, kur shoh që drejtojnë drejtesinë ish hetues si Arben Rakipi, Ilir Panda, Bujar Sheshi etj më 'mbushet' mendja top që këta 'ngjajnë' me Paolo Borsellinon.

Pastaj kur shikoj që pesë pleq ta azilit kana 'marrë' 30 milion euro, kur shoh që Tan Agolli bën tender 500 mijë euro për menu guzhine e nuk i bën syri terrt, kur shoh drejtorin e tatimeve që ka qindra mijëra euro në Angli e në banka të pa deklaruara, kur shoh drejtorin e rrugëve që blen kompani 500 euro dhe e shet per 4 muaj 600 mijë euro, e plot fytyra të tilla hajdute, 'besoj' se Shteti i 'ka shpallë luftë' të madhe mafies", -shkruan Murrizi./CNA.al





Lajmet e fundit nga