web counter
LEXO PA REKLAMA!

SHKARKO APP

App Store
Google Play

E fundit!

x

Shqyrtimi analitik i legjislacionit/ Varhelyi zbulon shtyllat ku do të bazohet procesi

19 Korrik 2022, 17:09, Politikë CNA
Shqyrtimi analitik i legjislacionit/ Varhelyi zbulon shtyllat ku do të
Komisioneri Europian për Zgjerim, Oliver Varhelyi

Komisioneri Europian për Zgjerim, Oliver Varhelyi, ka treguar pikat ku do të bazohet puna fillestare pas hapjes së negociatave, në takimin e shqyrtimit analitik të legjislacionit.

Varhelyi tha se BE do të ndihmojë Shqipërinë dhe Maqedoninë, duke cekur edhe problemet e përditshme, e deri tek ato të administratës.

“Do doja të kapja këtë moment që të jepja një hyrje në kuadër të këtij procesi. Është një mundësi shumë e mirë për ju, që të bëjnë një vetëvlerësim të politikave dhe legjislacionit të tyre për të parë se sa afër janë me vendet e BE-së. Në bazë të takimeve bilaterale, do miratojmë raportin e shqyrtimit, për mënyrën se si do i bëjmë negociatat me ju.

Ne do të kemi një program dhe punë intensive duke filluar nga grupimet kryesore. Përfshirjen e një numri të madh ekspertësh nga administratat tuaja. Konteksti ynë do zgjerohet dhe intensifikohet, në mënyrë që administratat në Shqipëri të jenë të përgatitura për këto ushtrime. Ju siguroj, nga ana ime dhe shërbimet tona, ne do jemi krah jush. Procesi i shqyrtimit nuk është vetëm një ushtrim praktik për anëtarët e administratës publike, por ka të bëjë me legjislacionin.

Ne do të prekim problemet e ditës, cilësinë e ajrit, ushqimin që hamë, ujin që pimë, mbrojtjen e të dhënave personale. Këto janë vetëm disa shembuj. Procesi i anëtarësimit është transformues. Është një kuptim i përbashkët. E gjitha kjo do vazhdojë në rrugë e sipër. Do kemi investime në pjesë dhe sektorë kyç. Do ketë mundësi të reja për bizneset. Planet e investimit janë shtyllat kryesore të bashkëpunimit tonë. Procesi i anëtarësimit duhet të shihet si program reforme ambicioze. Këtë do japë ky lloj shqyrtimi. Sot është hapi i parë i të bërit anëtarë të BE. Le të nisë ky proces, më lejoni t’ju uroj punë të mbarë, të shpejtë dhe shpresoj që të mund të nisim me dhëniet e raporteve të para të shqyrtimit në 3 mujorin e 1 të vitit të ardhshëm”, tha Komisioneri Europian për Zgjerim./ B.A. – CNA.al





Lajmet e fundit nga