web counter
LEXO PA REKLAMA!

SHKARKO APP

App Store
Google Play

Hapen negociatat me BE-në/ Bashës “i del gjumi”

19 Korrik 2022, 15:47, Politikë CNA
Hapen negociatat me BE-në/ Bashës “i del gjumi”
Ish-kryetari i PD-së, Lulzim Basha

Ish-kryetari i PD-së, Lulzim Basha, ka reaguar pas konferencës së parë ndërqeveritare mes Tiranës, Shkupit e Brukselit, ku u hapën negociatat me Bashkimin Europian.

Basha “është zgjuar nga gjumi” dhe me anë të një statusi në rrjetet sociale, thotë se çelja e negociatave na dërgon drejt anëtarësimit në BE.

Ai deklaron se hapi i sotëm është edhe një detyrim nga i cili nuk mund të ikë askush, për të përmbushur kriteret.

“Vendimi i BE për të nisur negociatat e anëtarësimit me Shqipërinë është një hap që do të mbështesë Shqipërinë në rrugën drejt plotësimit të një ëndrre që e ndajnë të gjithë shqiptarët, anëtarësimin e vendit në Bashkimin Europian.

Hapi i sotëm është edhe një detyrim nga i cili nuk mund të ikë askush, për të përmbushur kriteret në luftën kundër krimit të organizuar dhe korrupsionit, zbatimit të reformës në drejtësi, çlirimin e ekonomisë nga monopolet dhe nga oligarkia, konkurencën e lirë si parakusht i zhvillimit ekonomik që krijon vende pune, reformën në administratën publike, respektimin e lirive dhe të drejtave të nëpërkëmbura të qytetarëve, lirinë e medias e mbi të gjitha garantimin e votës së lirë për shqiptarët. Kjo është e vetmja rrugë për ta bërë Shqipërinë si Europa”, shkruan ish-kryetari i PD-së./ B.A. - CNA.al





Lajmet e fundit nga