web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Berisha: SPAK-u nuk po merret me trungun, por po heton degët

20 Korrik 2022, 20:16, Politikë CNA
Afera e inceneratorëve/ Berisha: SPAK-u nuk po merret me trungun, por po
Sali Berisha

Kreu i PD-së, Sali Berisha, gjatë takimit që ka zhvilluar në Durrës, ka folur edhe për aferën e inceneratorëve.

Berisha nuk ka kursyer akuzat ndaj SPAK-ut, për të cilin tha se nuk po merr nën hetim trungun që ai cilëson Edi Ramën, por me degët që sipas të njëjtit është Lefter Koka.

“Ky njeri firmosi 420 milionë euro aferë të djegësve. Nëse ju lexoni aktakuzën e Prokurorisë, ajo fillon, përdorim të metodave të paligjshme në prokurim dhe korrupsion. Por pse? Sepse Edi Rama ka firmosur aferën e madhe me negociata të mbyllura. Me negociata të mbyllura, e cila është e kundërligjshme dhe ia ka kundërshtuar Agjencia e Prokurorimeve Publike.

Ç’ndodh me SPAK-un? SPAK-u nuk merret me trungun, se po të merret me trungun, 'Rama boll vodhe dhe ik në qeli', por merret me degët, se si ka shpërndarë Lefteri, se Lefteri ka vjedhur pa asnjë dyshim, por nga erdhi kjo aferë? Ai firmosi me negociata të mbyllura. Pra, ndodh gjithçka, por jo pse u akuzua, pse u hap çështja. Nuk hetohet, sepse duhet të hetohet Rama. Nuk ka njeri më të rrezikshëm se ky sot. Ky është rreziku i vërtetë i Shqipërisë.

Sepse ky e di që nuk ka vend tjetër mbi tokë, përveçse në qeli. Ngado që të sillet, vendi i tij i vetëm është qelia. Nëse sheshi ushtoi boll vodhe, ik, ushtoi i tillë sepse ai e ka vendin atje. Ai e di këtë, ndaj çdo kohë që kalon, ai bëhet më i rrezikshëm për vendin dhe Shqipërinë. Misioni ynë është sa më parë ta shpëtojmë Shqipërinë nga ky regjim”, tha Berisha./CNA.al





Lajmet e fundit nga