web counter
LEXO PA REKLAMA!

SHKARKO APP

App Store
Google Play

Çelja e negociatave/ Berisha: Po të më ftonte Rama në Bruksel, do të shkoja

20 Korrik 2022, 19:57, Politikë CNA
Çelja e negociatave/ Berisha: Po të më ftonte Rama në
Sali Berisha

Kreu i PD-së, Sali Berisha, deklaroi në një takim me të rinjtë në Durrës, se kryeministri Edi Rama shkoi në Bruksel si monist.

Kreu i selisë blu theksoi se nëse Rama do e kishte ftuar për të shkuar në Bruksel, do të shkonte, por shtrëngim duarsh nuk do të kishte.

“Shkoi në Bruksel si monist, njëlloj sikur të shkonin paraardhësit e tij. Mos u çuditni. Do t'ju tregoj një gjë nga historia, por të vërtetë. Nga viti ’86, qeveria hungareze dhe qeveria rumune, zhvillojnë tratativa të fshehta me Brukselin për t’i pranuar në BE. Brukseli u përgjigj, jo, tha, ju nuk mund të pranoheni sepse jeni në sferën e Bashkimit Sovjetik. I vetmi vend, e thanë në konfidencë, nga ish-komunistët që mund të pranohet është Shqipëria...por Shqipëria ishte armik me të gjithë botën. Nuk ka dyshim që ky shkoi si monist në Bruksel. Ndaj unë e kam shpallur atë armik të lirisë së shqiptarëve.

Natyrisht, po të më ftonte do të shkoja. Por ta harrojë se do të kishte shtrëngim duarsh me mua. Nuk mund të ndodhte kurrë ajo. Do të shkoja për t'ju përfaqësuar ju, aspiratat demokratike të shqiptarëve. Pra, shkoi si monist, u kthye si monist. Natyrisht me dosjen në shpinë të inceneratorëve, me dosjen e Portit të Durrësit”, tha Berisha.

Ndër të tjera kryetari i PD-së, Sali Berisha, deklaroi se e ka shpallur Ramën prej datës 7 korrik armik të shqiptarëve./CNA.al





Lajmet e fundit nga