web counter
LEXO PA REKLAMA!

SHKARKO APP

App Store
Google Play

E fundit!

x

Gaz Bardhi, ose nëpunësi i vockël që nuk u bë dot politikan

2 Prill 2024, 19:59, Politikë CNA
Gaz Bardhi, ose nëpunësi i vockël që nuk u bë dot
Gazment Bardhi

"Sa shumë kallëzime penale kam bërë un, s'i ka bërë njeri deri më sot!"

Kjo ishte deklarata e Gaz Bardhit nga karrigia e emisionit “Opinion”, ku kish shkuar te "demaskonte" atë burrin 45-vjeç me flok të shkurtra! Gazi si nëpunës i Ministrisë së Drejtësisë e ka arritje të madhe të hartojë shkresa, të cilave nganjëherë u ve emrin kallëzim penal.

I mbani mend zgjedhjet për të cilat u ngrit dhe një komision hetimor?

Atë kohë Gazi ishte me Lulin, prandaj si zyrtari më i dalluar i Lulit, është autori i nja 130 kallëzimeve penale që opozita e Lulit dërgoi në prokurorinë e kohës.

Aq shumë kallëzime penale shkroi Gazi saqë nuk i la kohë jo vetëm vetes, por as gjithë PD-së që të bënte fushatë. Se ishin të gjithë duke shumëfishuar kallëzimet e Gazit.

Do fitonte zgjedhjet Gazi i Lulit duke shkruar kallëzime penale! Siç i fitoi!

Dhe pasi "fituan thellë zgjedhjet, menduan të fitonin prap edhe garën e propogandës. Dhe me kallëzimet e përdorura të Gazit, besonin se do fitonin edhe betejën kur vendosën të furnizonin me to atë palo komision hetimor për vjedhje zgjedhjesh. Ku u ul si bashkkryetar Enkelejdi, jo Gazi!

E meqë Enkelejdi nuk ka mësuar kurrë të bëjë muhabet kur në tavolinë ka më shumë se 1 person, përfshirë atë vetë, do ishte sinjal qameti, nëse Enkelejdi do arrinte të zbërthente në hetim parlamentar qindra faqet e kallëzimeve penale që kish shkruar Gazi e që Enkelejdi i kish nisur të nënshkruara vetë në Prokurori.

E keni parë ndonjëherë Gazin të drejtojë ndonjë nga komisionet e punës në Kuvend?

Ky Gazi që është i specializuar në hartime kallëzimesh penale (siç deklaron vetë), nuk e ka treguar asnjëherë aftësinë si drejtues i ndonjë grupi pune apo komisioni hetimor.

Ky specialisti i kallëzimeve penale nuk ka kërkuar kurrë të drejtojë ndonjë komision hetimor parlamentar përshembull. Si hetues i specializuar, as anëtar komisioni nuk e ka përfshirë veten.

Gazi që thotë se, qenka kallëzuesi më i madh i kombit shqiptar, të paktën të na kish nxjerrë ndonjë kallëzim penal ku të ketë nënshkruar vetë! Se ato kallëzimet e zgjedhjeve ja jepte t’i firmoste Enkelejdi.

Kurse për këto "kallëzimet" e muajve të fundit "kundra" Flamur Nokës, Babit të Zenit dhe Olsi Ramës, ka shpikur t’i formulojë si kujtesë për sekretaret e SPAK. Mos u habisni se pse Gazi di vetëm të ulet dhe te këpusë zinxhirët e korrupsionit duke shkruajtur i vetëm në shoqërinë e laptopit të vet.

Gazi e ka nisur jetën si specialist i vockël ministrie dhe ka mbetur specialist i vockël ministrie. Ndaj nuk flet, nuk shkruan, nuk drejton e nuk firmos dot si politikan. Ajo karrige i rri shumë e madhe Gazit./ CNA

 





Lajmet e fundit nga