web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për Berishën/ Gjokutaj: Skenar i Prokurorisë dhe GJKKO-së

2 Prill 2024, 09:39, Politikë CNA
Shtyhet seanca për Berishën/ Gjokutaj: Skenar i Prokurorisë dhe
Avokati Genc Gjokutaj

Këtë të martë ishte parashikuar të mbahej seanca në GJKKO për revokimin e masës së arrestit për ish-kryeministrin Sali Berisha, por dy prokurorët e çështjes nuk u paraqitën përsëri.

Kështu, seanca u shty për të hënën e 8 prillit, në orën 13:00. Pas daljes nga GJKKO, avokati Genc Gjokutaj hodhi akuza ndaj Prokurorisë së Posaçme dhe GJKKO-së.

Gjokutaj e cilësoi shtyrjen e seancës si një skenar për djegien e mandatit të Berishës.

“Kur të shterojmë ne argumentet para gjykatës, do t’ju vëmë dhe ju në dijeni, por shikoni se përpara argumenteve tona, të cilat janë të mbështetura ligjërisht si në akte kombëtare, ashtu edhe në akte ndërkombëtare, mungesa e prokurorëve duhet t’ju tërheqë vëmendjen juve si media dhe ju thashë, edhe njëherë, investigojeni këtë rast.

I bëj thirrje edhe drejtuesit të SPAK-ut që së paku të interesohet për këtë mungesë.

Ne jemi koshientë që kjo është pjesë e skenarit të Prokurorisë dhe e GJKKO për shtyrjen e seancës, për djegien e mandatit të z. Berisha. Është lënë për të hënën në datën 8, ora 13:00, kur në datën 9 çështja është në Gjykatën e Lartë dhe të jeni të sigurt që as të hënën që do të vijë, kjo seancë nuk do të zhvillohet pa mbaruar seanca në Gjykatën e Lartë. Këtu besoj se e shikoni se ka një strukturë, një plan të strukturuar”, theksoi avokati./ CNA





Lajmet e fundit nga