web counter
LEXO PA REKLAMA!

SHKARKO APP

App Store
Google Play

E fundit!

x

Aferat në Bashkinë e Tiranës, fytyra e Erion Veliajt

2 Prill 2024, 12:01, Politikë CNA
Aferat në Bashkinë e Tiranës, fytyra e Erion Veliajt
Ylli Manjani

Ish-ministri i Drejtësisë, Ylli Manjani, duke marrë shkas edhe nga arrestimet në Bashkinë Tiranë, shprehet në një shkrim në rrjetet sociale se ky institucion ka fytyrën e Erion Veliajt. 

Sipas Manjanit, mashtrimi dhe hajnia janë dy huqet e dukshme të atij institucioni.

"Imazhi që përcjellin sukseshëm është mashtrim. Në fakt fshehin vjedhjen masive që i bëjnë qytetit. Kaq gjë po përpiqet t'ua thotë edhe SPAK-u i tyre, me të cilin janë krenarë. Krenarë por të dhj*rë", shprehet Manjani. 

Shkrimi i plotë:

Cdo institucion ka fytyrën e drejtuesit. Kjo aksiomë është e vërtetuar tashmë.Bashkia e Tiranës ka fytyrën e Erion Velisë.

Mashtrimi dhe hajnia janë dy huqet e dukshme të atij institucioni.

Përtej çdo dyshimi bashkëpunëtorët e Erion Velisë kanë punuar si në pronë të vet.
Nuk merrem me "provat" që lëshon SPAK për konsum publik, sepse nuk dua të jem pjesë e drejtësisë popullore ndaj tyre. Nuk kam nevojë ta bëj këtë gjë sepse si banor e votues i Tiranës më mjaftojnë këto fakte publike për të konkluduar se ç'mashtruesa e hajna drejtojnë bashkinë:
1. Bashkia me të ardhurat më të mëdha në vend ende nuk ka financuar një shërbim publik madhor. Fjala vjen ende nuk ka ndërtuar një sistem të mbledhë kakën, produktin tonë kolektiv e cila rrjedh në Lanë përmes qytetit.
2. Kurrë nuk kuptuam se ku shkojnë paratë e taksave e tarifave tona. Asnjë përpjekje transparence në planifikim dhe shpenzim nuk u bë.
3. Asnjëherë nuk kuptuam llogjikën e parkingjeve abuzive dhe gjobave që lidhen me to. Kaosi në trafik është pjesë e kësaj politike rrjepje.
4. U shemb Teatri Kombëtar pa asnjë copë letër të shkruar, pa projekt të ri të aprovuar dhe, pa asnjë kacidhe të planifikuar në buxhet. Shëmbi një godinë të trashëgimisë së qytetit.
5. Shëmbi godina private e madje edhe pallate, duke shtuar të pastrehët, duke grabitur pronën private për qëllime ndërtimi.
6. Veçanërisht trajtimi i diferencuar dhe deri me urrejtje i banorëve shtëpitë e të cilëve ishin në proçes legalizimi, ishte tipologji e sjelljes së kësaj bashkie.
7. Numri i firmave që marrin punë nga prokurimet e bashkisë janë më pak se gishtat e njërës dorë.
8. I gjithë përqendrimi i punëve publike mbeti në qendër. Rrugicat, hapësirat e përbashkëta dhe shërbimet e tjera pas unazës së vogël lënë për të dëshiruar. Në shumë raste ka rrënim skandaloz të infrastrukturës.
9. Paguajnë media, gazetarë e portale për të diktuar mashtrimin e një njeriu që vetëm rren.
10. Bashkia nuk ka asnjë lidhje me politikat e zhvillimit ekonomik dhe të punësimit. Fshihet gjithnjë pas fatit që ka se i gjithë bisnesi përqendrohet në Tiranë. Përndryshe ajo nuk luan asnjë rol.
Imazhi që përcjellin "sukseshëm" është mashtrim. Në fakt fshehin vjedhjen masive që i bëjnë qytetit. Kaq gjë po përpiqet t'ua thotë edhe SPAK-u i tyre, me të cilin janë krenarë.
Krenarë por të dhjerë.
----
Në kushte normale kjo punë nuk mund të mbarojë me heqje tëmthi. Por temë tjetër ajo./CNA 





Lajmet e fundit nga