web counter
LEXO PA REKLAMA!

SHKARKO APP

App Store
Google Play

E fundit!

x

Forumi "Berlin Global Dialogue"/ Rama: Ballkani Perëndimor është kërthiza e BE-së

25 Tetor 2025, 10:28, Politikë CNA

Forumi "Berlin Global Dialogue"/ Rama: Ballkani Perëndimor

Kryeministri Edi Rama po merr sot pjesë në forumin "Berlin Global Dialogue" në Gjermani. Rama u shpreh se Shqipëria ka pasur një vit të mbarë sa i përket aspektit të integrimit europian, ku tha se janë hapur 5 nga 6 grupkapitujt.

Ai tha se aktualisht nga Europa ka një angazhim për ta sjellë rajonin e Ballkanit Perëndimor më pranë Bashkimit Europian. Më tej, Rama e ka cilësuar Ballkanin Perëndimor si kërthiza e Bashkimit Europian.

“Kemi pasur një vit të mbarë po ta vendosim në kontekstin e Europës. Gjatë 11 muajve të fundit kemi çelur 5 nga 6 grupkapitujt. Presim të çelim edhe grupkapitullin e gjashtë. Europa është më e zgjuar se më parë. Për fat të keq duhej agresioni rus për ta zgjuar. Tashmë veprat po tregojnë se ka një angazhim të mirëfilltë për ta sjellë Ballkanin Perëndimor pranë BE-së, dhe jo vetëm nga Komisioni.

Nuk jam i sigurt se të gjithë e kanë të qartë hartën e BE-së. Në historinë e hartave BE është i vetmi realitet gjeografik dhe gjeopolitik që ka dy kufij. BE ka dy kufij, një të jashtëm dhe një të brendshëm. Dhe në atë të brendshmin jemi ne. Jemi kërthiza e Bashkimit Europian. Besoj se për të gjitha arsyet e mira BE ka nevojë për Ballkanin Perëndimor aq sa kemi nevojë ne”, tha Rama. /CNA





Lajmet e fundit nga