web counter
LEXO PA REKLAMA!

SHKARKO APP

App Store
Google Play

Raporti i OSBE-ODIHR/ Berisha: Në faqe të tëra rreshtohet e gjithë batërdia

24 Tetor 2025, 13:46, Politikë CNA

Raporti i OSBE-ODIHR/ Berisha: Në faqe të tëra rreshtohet e

Kreu i PD-së, Sali Berisha, ka komentuar raportin e OSBE/ODIHR. Berisha tha se në faqe të tëra të raportit rreshtohet e gjitha batërdia elektorale.

"Ishte ngjarje e një rëndësie shumë të madhe dështimi i plotë i përpjekjeve të jashtëzakonshme të Edi Ramës për të ndryshuar, për të mos thënë, për të bllokuar, raportin mbi farsën elektorale të 11 majit.

Është në dinjitetin e atyre vëzhguesve dhe drejtuesve të tyre që jo vetëm nuk ndryshuan asnjë pikë dhe asnjë presje nga raporti paraprak, por në një seri çështjesh renditen shumësi faktesh dhe të dhëna me të cilat i dhanë përgjigje përfundimtare Edi Ramës, që u thoshte ku keni fakte për të provuar këto që keni shkruar.

Ai që ka sy të lexojë, le të lexojë, në faqe të tëra rreshtohen e gjithë batërdia zgjedhore, jo në një apo dy rrethe, por në shumicën e qarqeve të Shqipërisë.

E vërteta është se në 33 vite, ky është raporti më damkosës për farsën elektorale të Edi Ramës.

Asnjë raport tjetër nuk ka pasur përmasat e denoncimit të farsës si raporti i zgjedhjeve të 11 majit.

Janë rreshtuar argumente të pafundme të funksionimit të partisë shtet. Të përdorimit të të gjitha resurseve të qeverisë dhe shtetit për të grabitur zgjedhjet.

Natyrisht raporti nuk mund të shkruajë ato që nuk shkruhen. Jo. Ai ka pasur detyrë, ata burra e gra kanë pasur detyrë të thonë nëse zgjedhjet përputhen me standardet ndërkombëtare apo jo.

Dhe ata faktojnë se në një demokraci pluraliste, këto zgjedhje nuk përputhen ndërkombëtare në parimin më themelor të barazisë.

Ata faktojnë se u përdorën të gjitha mjetet për të shndërruar një proces elektoral në farsë.

Dhe i përshëndes përzemërsisht që i kanë qëndruar kryeministrit në të gjitha qëndrimet e tij antikushtetuese, antiligjore në farsën elektorale.

Ka një citim timin, ju lutem, vetëm për një moment më duhet ta zbërthej pak.

Thotë se Berisha kërcënoi një aleat të Ramës se me datën 11 maj do të shpalleni organizatë terroriste. Fjala ishte për kartelin Troplini. E kam thënë atë dhe unë i përgëzoj. Unë e kam deklaruar se jo vetëm karteli Troplini, por të gjitha do të shpallen organizata terroriste.

Unë i falënderoj se ata janë në mënyrë absolute degët europiane të karteleve narkoterroriste të Amerikës Latine.

Kjo është e vërteta”, tha Berisha./ CNA





Lajmet e fundit nga