web counter
LEXO PA REKLAMA!

SHKARKO APP

App Store
Google Play

“Po të isha Rama do të isha i kënaqur”/ Andi Bushati: Raporti i OSBE-ODIHR ka nxjerrë vetëm majën e ajsbergut

23 Tetor 2025, 22:41, Politikë CNA

“Po të isha Rama do të isha i kënaqur”/ Andi Bushati:

Analisti Andi Bushati ka komentuar raportin e OSBE-ODIHR për zgjedhjet e 11 Majit.

Sipas Bushatit raporti ka nxjerrë vetëm majën e ajsbergut pasi ka më shumë mëkate se ato që janë pasqyruar.

Ndër të tjera i ftuar në emisionin e Ylli Rakipit, ai u shpreh se po të ishte Rama do të sihte i kënaqur se aty ka dalë vetëm 10% e krimit.

"Me atë çka ndodh me zgjedhjet në Shqipëri, raporti ka nxjerrë vetëm majën e ajsbergut, besoj se ka më shumë mëkate se ato që janë aty. Pavarësisht se këta të mazhorancës nuk po flasin, por po të isha Rama, me këtë raport do të isha i kënaqur pasi tregon vetëm 10% të krimit.

Megjithatë, çfarë ka te ky raport diçka që nuk e kemi parë në zgjedhjet e mëparshme? Është një gjë, që po ti hyjmë është shqetësuese.

Ajo konsiston te një fjali, ku thuhet, që u vu re një ndarje e papërfillshme midis partisë dhe shtetit dhe thuhet pastaj duke mos zbatuar pastaj rekomandimet e kartës së Copenhagenit të vitit 90. Vendet që po dilnin nga perandoria e Bashkimit Sovjetik, nëse nuk ndanin partinë nga shteti, nuk bënin dot zgjedhje. Që të kishte zgjedhje demokratike, partia duhet të ndahej nga shteti. 31 vite më pas, jemi kthyer ku shtetin dhe partinë i kemi bërë një. Ky është qëndrimi kryesor, që vetëm ky togfjalësh vlen për të hapur diskutimin, a jetojmë në demokraci.Nga ky konkluzion vjen tjetri, që garuesit nuk gëzonin kushte të barabarta gjatë garës. Po të shohësh, dallon kollaj mediat e PS dhe të PD. Mediat e PS thoshin, gara ishte konkuruese, por garuesit nuk gëzonin kushtet të barabarta. Ne e marrim gotën bosh ose plotë", tha Bushati./ CNA 





Lajmet e fundit nga