web counter
LEXO PA REKLAMA!

SHKARKO APP

App Store
Google Play

Raportimet e institucioneve të pavarura në Kuvend/ Grupi i PD-së, kërkesë për debat Peleshit

24 Tetor 2025, 15:58, Politikë CNA

Raportimet e institucioneve të pavarura në Kuvend/ Grupi i PD-së,

Kryetari i Grupit Parlamentar të PD-së, Gazment Bardhi i ka bërë kërkesë kreut të Kuvendit, Niko Peleshi për zhvillim debati dhe kohë 150 minuta pas çdo raportimi në seancën e ardhshme plenare.

Në seancën që do të mbahet më 27 nëntor, në rendin e ditës janë përfshirë raportimet e disa institucioneve të pavarura kushtetuese. Grupi i PD-së kërkon të merren masa për normalizimin e jetës parlamentare.

Kërkesa e plotë:

Me urdhrin tuaj nr. 24, datë 24.10.2025, keni thirrur seancën plenare në datën 27.10.2025, ora 10.00, duke njoftuar edhe rendin e ditës. Në rendin e ditës, në pikat 5-9 janë përfshirë Raportimet e disa institucioneve të pavarura kushtetuese, ku sipas dakordësisë së Konferencës së Kryetarëve është lënë një kohë debati 150 minuta për secilin raportim.

Në emër të Grupit Parlamentar të PD, konfirmojmë kërkesën tonë për zhvillimin e debatit dhe gjithashtu kohën e caktuar nga ana juaj - 150 minuta pas cdo raportimi.

Lutem gjithashtu të shmangni çdo provokim ndaj deputetëve të opozitës, duke lejuar secilin e tyre të prezantojë pyetjet e tij, për secilin titullar institucionesh, sipas nenit 103, pika 7 e Rregullores dhe praktikës parlamentare 34 vjecare. Cdo ndryshim i njëanshëm nga ana juaj i të drejtave të deputetëve të pakicës, apo interpretimit 34 vjecar të Rregullores së Kuvendit, është atentat ndaj parlamentarizimit dhe asgjesim i të drejtave të opozitës parlamentare, dhe për pasojë është dhe do të jetë i papranueshëm për deputetët e opozitës.

Përsa më lart, në ushtrim të përgjegjësive tuaja, lutem merrni masa për normalizimin e jetës parlamentare dhe ndaluni menjëherë nga aktet provokative ndaj opozitës dhe sjelles së saj krejtësisht konstruktive në Kuvendin e Shqipërisë. /CNA





Lajmet e fundit nga