web counter
LEXO PA REKLAMA!

SHKARKO APP

App Store
Google Play

E fundit!

x

Mendjendriturit që katandisën opozitën pa brekë

24 Tetor 2025, 20:29, Politikë CNA

Mendjendriturit që katandisën opozitën pa brekë

Opozita shpesh herë ka dalë blof nga gënjeshtrat që ka thënë për emra të caktuar të politikës dhe për të vërtetuar këtë po sjellim vetëm rastet e fundit, si një shembull në atë çfarë është katandisur partia politike e dyta më e madhe në vend.

Në shtator të 2025, kreu i PD-së Sali Berisha në njërën nga deklaratat e tij publike ka thënë se Endri Fuga është arratisur.

Në fakt kjo nuk është e vërtetë. Endri Fuga ka një kontratë pune me anë të së cilës shkon dhe vjen në Shqipëri.

“A dini gjë ku është Endri Fuga? Më thoni pak. Si nuk guxoni të thoni një fjalë për të arratisurit?”, u shpreh Berisha në një deklaratë pas daljes nga SPAK ku zbatonte masën e sigurisë detyrim me paraqitje.

Një tjetër deklaratë e njëjtë e kreut të PD-së Sali Berisha ishte dhe për Vangjush Dakon. Në 20 tetor të vitit 2025, Berisha tha në një deklaratë për mediat:

"Së fundmi, dua të informoj shqiptarët se Gjushi, sipas shumë të dhënave, është larguar nga vendi, në drejtim të paditur. I bëj thirrje të tregojë vendin ku ndodhet.”

Mendjendriturit që katandisën opozitën pa brekë

Ndërkohë rezulton një gënjeshtër. Vangjush Dako nuk është arratisur.

Sot kreu i PD-së Sali Berisha tha se kreu i PSD Tom Doshi është arratisur.

Mendjendriturit që katandisën opozitën pa brekë

Edhe kjo rezultoi një gënjeshtër që u dekonspirua nga vetë Doshi, i cili publikoi një foto ku ndodhej në mes të Tiranës.

Së fundi i njëjti mashtrim po qarkullon dhe për rastin e Belinda Ballukut, zëvendëskryeministres.

E vërteta është se opozita ka gënjyer për të gjitha këto raste. Dhe në fund fare, ashtu siç e tha dhe doktori sot, fajin e ka SPAK-u.

Pse e ka SPAK-u fajin? Çfarë faji ka SPAK se e ka marrë nën hetim zonjën Balluku dhe se ajo ndodhet në një takim me zyrtarë jashtë?

Këtë duhet të na e thonë këta profesorët mendjendritur të opozitës që katandisën opozitën pa brekë.

Thanë që iku Tom Doshi, do ta arrestonin dje, hapën lajm të rremë dhe deklaruan se ka ikur se e ka njoftuar SPAK-u.

Pse duhet t’i thonte SPAK-u dhe pse duhet të ikte Tom Doshi?

Mendjendriturit që katandisën opozitën pa brekë

Pra, opozita me këto mashtrime që bën tallet vetëm me njerëzit dhe më pas kur vjen dita që shkojnë para kutisë së votimit dhe kërkojnë të marrin votat kutia del bosh pikërisht nga kjo lloj politike.

Patjetër që opozita nuk duhet të ketë asnjë mëshirë për pushtetin, por duke mashtruar me të tilla budallallëqe dhe idiotësira cili është mesazhi që i jepet opinionit publik dhe qytetarëve? Ditë pas dite dalin gënjeshtrat. Është arratisur ky, është arratisur ai dhe në fund fajin e ka SPAK.

SPAK i merr në hetim njerëzit, fajin e ka SPAK.

Njerëzit ndodhen në Tiranë, fajin e ka SPAK. Asnjëri nuk është arratisur fajin e ka SPAK, apo e ka ndonjë mendje e sëmurë aty brenda opozitës që krijon të tilla budallallëqe?

Pa folur pastaj për faktin që janë dhe tallur dhe me Berishën se shpesh e kanë nxjerrë blof me lloj lloj gënjeshtrash të tilla.

Dikur Ilir Meta ka thënë se Lulzim Basha gënjen dhe për orën por mesa duket Berishës i ka humbur ora fare./ CNA





Lajmet e fundit nga