“Dua t’i shlyej borxhet këtij qyteti”/ Luçiano Boçi garon në “Primare”, kandidat për Elbasanin

14 Nëntor 2022, 18:42, Politikë CNA

“Dua t’i shlyej borxhet këtij qyteti”/ Luçiano

Nënkryetari i PD-së, Luçiano Boçi

Nënkryetari i PD-së, Luçiano Boçi, ka vendosur që t’i përgjigjet kërkesës së qytetarëve dhe demokratëve për të garuar për bashkinë e Elbasanit në zgjedhjet vendore.

Boçi ka bërë me dije se pranon të hyjë në garën e "Primareve", duke thënë se i ka shumë "borxhe" qytetit të Elbasanit dhe qytetarëve që e kanë mbështetur në çdo angazhim të tijin politik.

Ai thekson: "Ky kandidim i imi është përgjegjësi për t’u bashkuar të gjithë brenda PD.

Përgjegjësi për t’u bashkuar të gjithë si qytetarë e banorë të Elbasanit, të djathtë, gri e të majtë, për të ndërtuar dhe sjellë së bashku në Elbasan një shpresë të re, një besim të ri, pse jo një Bashki të re që nuk eshtë më e kryetarit dhe e drejtorëve, por e qytetarëve të saj!"

“Mirënjohje për qytetarët dhe demokratët e Elbasanit që më kanë mbështetur në çdo angazhim timin në politikë!

Pa asnjë hezitim i jam përgjigjur kërkesës imponuese të tyre për të garuar dhe për t'i kthyer atyre Bashkinë e Elbasanit!

Sepse këtij qyteti i kam borxh gjithçka:

I kam borxh suksesin

I kam borxh mbështjen

I kam borxh kohën

Përkushtimin, arritjet.

I kam borxh rinisë së tij që sot e sheh atë si vend të mallkuar.

I kam borxh femijëve të tij për kopshte e shkolla ciësore.

I kam borxh moshes aktive që nuk gjejnë dot vendin e punës

I kam borxh prindërve tanë për nje perkujdesje të merituar.

I kam borxh biznesit, fermereve, sportistëve artistëve, të gjithëve.

Dhe dua ti shlyej këto borxhe.

Ti shlyej duke punuar bashke me durim:

Që qytetin t’ia kthejmë njerëzve!

Që Elbasanit t’i kthejmë shkëlqimin e dikurshëm!

Që Elbasanit ti kthejmë lavdinë e arsimit!

Që Elbasanit ti kthejme muzikën e festave, ngjyrat e jetës e luleve të dikurshme!

Që Elbasanit ti kthejme gëzimin e harenë e të jetuarit.

Prandaj ky kandidim i imi nuk është sakrificë e dorëzimit të një mandati që nuk është i imi por i votuesve.

Ky kandidim i imi është përgjegjësi për t’u bashkuar të gjithë brenda PD.

Përgjegjësi për t’u bashkuar të gjithë si qytetarë e banorë të Elbasanit, të djathtë, gri e të majtë, për të ndërtuar dhe sjellë së bashku në Elbasan një shpresë të re, një besim të ri, pse jo një Bashki të re që nuk eshtë më e kryetarit dhe e drejtorëve, por e qytetarëve të saj!”, shkruan Boçi./ CNA.al