web counter
LEXO PA REKLAMA!

SHKARKO APP

App Store
Google Play

“Do transformojmë klimën për biznesin”/ Berisha: Vendosim standarde dhe lehtësira fiskale

28 Prill 2025, 14:34, Politikë CNA

“Do transformojmë klimën për biznesin”/ Berisha:

Kreu i Partisë Demokratike, Sali Berisha, zhvilloi një takim në një biznes fasonerie pranë autostradës Tiranë-Durrës, ku prezantoi dhe programin e ‘PD-Shqipëria Madhështore’. Berisha tha se PD synon të transformojmë klimën për biznesin, duke e bërë më miqësore.

Berisha u shpreh se do të vendosen standardet më optimale, që favorizojnë industrinë.

Në fjalën e tij, Berisha tha se shteti do të krijojë të gjithë lehtësirat fiskale për të ndihmuar këtë proces.

“Vetëm përgëzime dhe siguri se ne do bëjmë një revolucion fiskal. Do të transformojmë klimën për biznesin. Kësaj here ne kemi edhe një eksperiencë, dhe me shpejtësi do të vendosim standardet më optimale, më miqësore për biznesin.

Për të gjitha eksportet, ne garantojmë së pari një bord që do kompensojë qindarkë për qindarkë rënien e euros, që është një faktor që dëmton shumë çdo sipërmarrës që prodhon për eksportin. E dyta, ne do ulim çmimin e energjisë nga 18 do të jetë 6 lekë. Do ta kemi më të ulëtin dhe kjo përbën një leverdi të mirë për biznesin. Rënia e euros është një problem shumë i madh.

Krahu i punës dhe tregu i punës janë jashtëzakonisht të rëndësishëm. Ne, edhe në këtë aspekt do kemi një bashkëpunim shumë të ngushtë me sipërmarrjen në mënyrë që të ketë një trajnim të vazhdueshëm.

Shteti do të krijojë të gjithë lehtësirat fiskale dhe të tjera për këtë proces.

Do bëjmë një politikë demografike me të cilën synojmë të nxisim në maksimum lindjen e fëmijës së tretë, duke e marrë përsipër nga lindja gjer 23 vjeç.

Do bëjmë gjithçka për të kthyer ata që kanë ikur, siç jeni kthyer ju, një histori e vërtetë suksesi dhe sot mbijetoni në kushte të vështira.

Në kushte të vështira sepse rënia me 35 për qind e kursit të euros dhe injorimi total i kësaj rënie, sepse qeveria ka mundësi t’u kompensojë sepse ju paguani rrogat, ju keni arritur ta mbani, por të tjerët kanë falimentuar. Me mijëra punëtorë kanë humbur vendet e punës.

Për ne, motoja do jetë prodhim, prodhim, prodhim.

Prodhimi është punësim, prodhimi është të ardhura, prodhimi është zhvillim dhe ne do bëjmë gjithçka për prodhimin”,-tha Berisha./CNA





Lajmet e fundit nga