web counter
LEXO PA REKLAMA!

SHKARKO APP

App Store
Google Play

E fundit!

x

Rama në ish-Uzinën e Autotraktorëve: Nisim projekt për rijetësimin e industrisë ushtarake

28 Prill 2025, 12:15, Politikë CNA

Rama në ish-Uzinën e Autotraktorëve: Nisim projekt për

Kryeministri Edi Rama ishte i pranishëm në ambientet e Ish-Uzinës së Autotraktorëve në Tiranë, ku prezantoi planin për rijetësimin e industrisë ushtarake. Rama tha se me këtë projekt synohet që Ish-Uzina e Autotraktorëve të rigjallërohet në funksion të Industrisë Ushtarake për prodhimin e uniformave dhe montimin e mjeteve të blinduara, transportuesve të artilerisë, zjarrfikëseve dhe autoambulancave.

Të pranishëm ishin edhe ministri i Brendshëm, Ervin Hoxha dhe ministri i Mbrojtjes, Pirro Vëngu.

Në fjalën e tij, Rama e konsideroi si një zhvillim jashtëzakonisht pozitiv për Forcat e Armatosura dhe ekonominë kombëtare.

Rama u shpreh se veç rëndësisë për industrinë e vendit, ky projekt do të synojnë edhe eksportin.

“Besoj është e qartë për të gjithë që bëhet fjalë për një zhvillim jashtëzakonisht pozitiv për forcat tona të armatosura, për ekonominë tonë kombëtare dhe për komunitetin këtu.

Në kuadrin e ‘Rilindjes’ së industrisë ushtarake në Shqipëri, ne kemi një sërë projektesh për rijetësimin e një infrastrukture të vjetër të mbetur jashtë funskionit, siç është kjo infrastrukturë këtu, apo si e kompleksit industrial të Rubikut, apo territore të tjera në Republikën e Shqipërisë, ku synimi ynë është që të ndërtojmë një rrjet të plotë të ndërtimit në vend për nevojat e Forcave tona të Armatosura, të Policisë, të Zjarrfikëseve, por edhe për eksport”,-tha Rama./CNA





Lajmet e fundit nga