“Shqiptarët e duan programin e PD-së”/ Berisha: Më 11 maj çelet një kapitull i ri në jetën e qytetarëve

27 Prill 2025, 15:43, Politikë CNA

“Shqiptarët e duan programin e PD-së”/ Berisha: Më 11

Kreu i Partisë Demokratike, Sali Berisha zhvilloi këtë të diel një takim me banorët e zonës së Bilishtit. Në fjalën e tij, Berisha vuri theksin te dy pika që i cilësoi si synime të partisë dhe aleancës.

Berisha tha se synimi i parë është rikthimi i parave, që aktualisht i vjedh qeveria. Ndërsa synimi i dytë, sipas Berishës është dhënia e një mundësie të re për për çdo fermer, për çdo biznesmen e për çdo qytetar.

Nga Bilishti, Berisha u shpreh se më 11 maj, qytetarët do të mund të çelin një kapitull të ri në jetën e tyre dhe se e duan programin e PD-së.

“Sot, shqiptarët çdo ditë e më shumë përqafojnë programin e PD. Një program, miqtë e mi, që ka dy synime më kryesore.

Së pari, t’ju rikthejmë paratë tuaja, që aktualisht i vjedh qeveria.

Së dyti, një mundësi e re për secilin prej jush, për çdo fermer, për çdo biznesmen, për çdo qytetar, banor të Devollit dhe të gjithë Shqipërisë, që pas datës 11 maj të 2025, të mund të çelë një kapitull të ri në jetën e tij.

Miqtë e mi, sot ju shihni dy fushata. Një fushatë, e cila vjen tek ju projekte konkrete, vjen tek ju me projektet, me të cilat kërkon të adresojë çdo vështirësi. Ju keni jetën tuaj të përditshme. Kërkoni që fermat tuaja të jenë ferma suksesi. Kërkoni që, bizneset tuaja të jenë biznese suksesi.

Kërkoni që, të rinjtë tanë të mos largohen nga Devolli, Korça dhe Shqipëria, por të qendrojnë këtu dhe të ndërtojnë ëndrrën e tyre në Shqipëri.

Kërkoni pra, që të gjitha potencialet e mëdha të Devollit dhe të Shqipërisë t’i shndërroni në rroga, mirëqënie, punësim për banorët e Devollit dhe të Shqipërisë.

Ne, këtë projekt e quajmë, projekti i Devollit Madhështor. Po ku e bazojmë ne këtë? Para së gjithash dhe mbi të gjitha, ne e bazojmë Devollin, tek shpirti juaj i pamposhtur, punëtorë. Unë ju garantoj ju që, vështirë të gjenden njerëz punëtorë, të zotë, të aftë, si këtu në Devoll.

E bazojmë në traditën tuaj. Ju, e keni shndërruar këtë tokë në një parajsë tokësore me djersën tuaj, me mundin tuaj. E bazojmë, sepse ne, do t’u shndërrojmë ju, nga fermerë të braktisur në fermerë të mbështetur fuqimisht dhe të mbrojtur fuqimisht nga shteti”,-tha Berisha./CNA