web counter
LEXO PA REKLAMA!

SHKARKO APP

App Store
Google Play

E fundit!

x

Berisha sfidon Ramën: Hajde përballemi në debat, unë vetëm, ndërsa ti rreshto suflerët

26 Prill 2025, 22:10, Politikë CNA

Berisha sfidon Ramën: Hajde përballemi në debat, unë

Kreu i Partisë Demokratike, Sali Berisha, gjatë një takimi në qytetin e Pogradecit, veç theksit te programi politik, iu drejtua edhe kryeministrit Edi Rama. Berisha tha se e ka ftuar Ramën në një debat politik.

Berisha u shpreh se në këtë përballje, ai do të jetë vetëm, ndërsa Rama do të rreshtojë suflerët pas shpine.

Berisha tha se në këtë debat ballë për ballë do të faktojë se ku i çoi paratë e shqiptarëve, por sipas tij, nuk del dot.

“Unë e kam ftuar Edi Ramën të vijë këtu dhe prap e ftoj, të dalim ballë për ballë. Ai të marrë suflerë, unë vetëm tek. Ai le ti rreshtojë suflerët mbrapa, unë vetëm.

Të dalim tu themi shqiptarëve njëherë, pogradecarëve; po si ndodhi që malazezi e trefishoi pensionin, kurse shqiptari mbeti nga 143 mijë shkoi në 172 mijë.

Por është edhe më keq, është shumë më keq akoma.

Se çmimet në Shqipëri u rritën 250%. Çfarë do të thotë kjo? Kjo do të thotë që pensionisti në Pogradec, në Tiranë për të blerë aq sa blinte në vitin 2013 me 143 mijë lekë, duhet të shpenzojë sot 390 mijë lek.

Urdhëro zoti Rama, urdhëro hajde këtu, me statistika të institutit tënd, të faktojmë, të faktojmë se ku i çove paratë e shqiptarëve.

Por nuk del dot, nuk ja mban. Sepse ka vjedhur, ka vjedhur dhe vetëm ka vjedhur”,-tha Berisha./CNA





Lajmet e fundit nga