web counter
LEXO PA REKLAMA!

SHKARKO APP

App Store
Google Play

Berisha: Zotohemi që pensionet dhe rrogat të jenë të barabarta me vendet e tjera të Ballkanit

27 Prill 2025, 20:31, Politikë CNA

Berisha: Zotohemi që pensionet dhe rrogat të jenë të

Kreu i Partisë Demokratike, Sali Berisha zhvilloi këtë të diel një takim në Kuçovë. Berisha shprehu zotimin që pensionet dhe rrogat të jenë të barabarta me vendet e tjera të Ballkanit.

Në lidhje më pagat në rajon, Berisha dha disa shembuj e disa statistika, për vende si Mali i Zi, Kosova e Rumania.

Berisha u shpreh se ndryshimet në këto vendet kanë ardhur sepse qeveria i ndan paratë, u kthen paratë atyre që ua merr.

Berisha tha se më 11 maj, kjo situatë merr fund.

“Po miq, paratë janë të qytetarëve.

Në vitin 2013 ne arritëm duke zbatuar këtë parim, që qytetarët shqiptarë me rrogë shteti, pensionistët shqiptarë, të kenë rroga më të larta se sa të gjithë pensionistët e vendeve të tjera të Ballkanit, të kenë pensione më të larta. Po. Po.

Çfarë ndodhi në 12 vite? Në 12 vite malazezët të cilët merrnin në vitin 2013, një pension prej 138 mijë lekë, ndërkohë kur pensioni mesatar në Shqipëri ishte 143 mijë lekë, sot marrin 450 mijë lekë pension. Po pse marrin ata kaq? Sepse qeveria e Malit të zi, e përgjegjshme para qytetarëve të saj, në çdo buxhet u jep përqindjen e duhur qytetarëve.

Kosova një vend me një pavarësi pak vite më parë, para 3 muajsh Albin Kurti ndau 100 mln euro për pensionistët. 100 milionë dhe u tha se, çdo pensionistë do të ketë pension 20% më të lartë.

Po kështu rrogat minimale. Në vitin 2013, Rumania që sot është anëtare e BE-së, edhe në atë kohë ishte, kishte një rrogë minimale 830 lej, afërsisht 164 euro. Sot sa e ka? E ka 3300 lej, e ka dy herë më të madhe se ne. Në vitin 2013 e kishim 220 euro rrogën minimale.

Po pse? Sepse qeveria i ndan paratë, u kthen paratë atyre që ua merr. Si mundet? Të lumtë goja, i kanë vjedhur tek pensionistët, tek rrogëtarët. Kjo është e vërteta.

Ndaj dhe ne, kemi vendosur të rrisim rrogat, të rrisim pensionet dhe vrapi ynë nuk ndalet gjersa çdo qytetar i këtij vendi, çdo pensionist i këtij vendi të ketë rrogën dhe pensionin më të lartë se, çdo bashkëmoshatar i tij në vende të tjera të Ballkanit.

Ky është zotimi ynë para jush. Çfarë bënë këtë zotërinjtë, kjo qeveri çfarë bëri? Kjo qeveri vetëm këtë vit, vuri përpara taksat tuaja 8 miliardë euro. Dhe Edi Rama kishte përcaktuar dhe la gjithsej 16 mln euro për pensionistët.

Kur ne i paraqitëm ligjin për minimumin jetik 200 euro, jo tha, kjo na çon në greminë. Po në çfarë gremine na çon ajo? A ka gjë më të pashpirtë se të lësh për 870 mijë qytetarë të tu, 16 mln euro?

Merr fund kjo, e tha bukur qytetari, ata kanë vjedhur pensionet, kanë vjedhur miliarda nga pensionet tuaja dhe pastaj thonë se, po ti rrisim biem në greminë. Gremina i pret për atë që kanë bërë”,-tha Berisha./CNA

 





Lajmet e fundit nga