web counter
LEXO PA REKLAMA!

SHKARKO APP

App Store
Google Play

“Luli i shkretë u bë leckë për 500 mijë euro”/ Rama: U dashkan 6 milionë dollarë për ‘non gratën’

27 Prill 2025, 18:10, Politikë CNA

“Luli i shkretë u bë leckë për 500 mijë

Kryeministri Edi Rama zhvilloi këtë të diel një takim në qytetin e Vlorës. Gjatë fjalës së tij, Rama u ndal edhe te zhvillimi se Partia Demokratike ka një kontratë lobimi në SHBA me një kompani amerikane.

Gjatë komentit të tij për këtë çështje, Rama tha se janë shumë para për të mos bërë pyetjen se ku u gjetën financimet.

Rama tha se kjo bëhet për të hequr damkën e një personi ‘non grata’, duke iu refeuar kryedemokratit, Sali Berishës.

Rama shtoi se vendimi më 11 maj është ndërmjet zgjedhjes për Shqipërinë në BE dhe hallit personal të Berishës.

“Besoj se ju që jeni këtu dhe të tjerët që e ndjekin këtë përballje, jeni sot të habitura nga fakti që janë paguar 6 milionë euro, me një kontratë, thuhet nga patriotë.

Ju kujtohet që Luli i shkretë u bë leckë për 500 mijë euro. Për të hequr damkën e një personi ‘non grata’, janë shumë për të mos bërë pyetjen se ku u gjetën ato para.

 Si mundet që thjeshtë e vetëm për hallin e një njeriu të paguhen më shumë para seç jep shteti për gjithë partitë politike të marra së bashku.

U dashkan 6 milionë dollarë me shpresën që të ikë ‘non grata’.

Edhe sikur të rrijë edhe sikur të ikë, nuk është problemi i shumicës së shqiptarëvë, se janë në moment historik dhe duhet të marrin një vendim historik. Nuk është mes 2 kampeve politike. Është mes Shqipërisë në BE dhe hallit privat të një 80 e kusur vjeçari që vazhdon të bëjë çorap Shqipërinë”,-tha Rama./CNA

 

 

 

 





Lajmet e fundit nga