web counter
LEXO PA REKLAMA!

SHKARKO APP

App Store
Google Play

“Familje e fortë, ky është qëllimi ynë”/ Berisha: Këto ditë para zgjedhjeve janë përcaktuese

27 Prill 2025, 22:06, Politikë CNA

“Familje e fortë, ky është qëllimi ynë”/

Kreu i Partisë Demokratike, Sali Berisha, ndau sot në Kuçovë një pjesë të rëndësishme të programit të PD-së dhe Aleancës, pasi u ndal te plani për mbështetjen e familjes. Në fjalën e tij, Berisha tha se qëllimi i PD-së është familja e fortë.

Berisha tha se pa gra, nëna e motra të forta nuk ka familje të fortë.

Berisha u shpreh se këto dy javë para zgjedhjeve janë shumë të rëndësishme dhe përcaktuese.  

“Miqtë e mi! Janë momente shumë të rëndësishme. Janë dy javë para nesh përcaktuese. Thirrja ime për secilin prej jush, për çdo mbështetës dhe simpatizant tonin.

Do të ketë për çdo nënë, motër, grua të cilat do të mbështeten fuqishëm me kredi, me grande për të udhëhequr biznese, për të patur sukses. Por edhe për të patur bollëk në familjen e vet, për të mos u detyruar më se, kjo sofër nuk mban kaq shumë. Se kjo sofër është më e vogël se sa jemi ne.

Nënat, motrat, gratë dhe vajzat shqiptare duhet ta kenë të qartë se Ministria e Familjes do të jetë avokatja më e fuqishme e interesave të tyre, mbështetësja më e fuqishme për to.

Familje e fortë, ky është qëllimi ynë, por pa gra, nëna e motra të forta nuk ka familje të fortë.

Miqtë e mi! Pra, kjo është fushatë.

Për biznesmenët i përgjysmohet barra fiskale. Hapësirë më e madhe, punëson më shumë, kursen më shumë.

Ne besojmë se në këtë mënyrë e ngremë Kuçovën dhe Shqipërinë në madhështinë e saj.

Kuçova është vend i rezervave të mëdha të naftës, por është vend dhe i pasojave serioze. Ju garantoj se do të bëjmë gjithçka për mbrojtjen e këtij mjedisi dhe pastrimin e tij. Për një mjedis të shëndetshëm për banorët e këtij rrethi dhe këtij qyteti”,-tha Berisha./CNA





Lajmet e fundit nga