web counter
LEXO PA REKLAMA!

SHKARKO APP

App Store
Google Play

E fundit!

x

Projektet për arsimin/ Rama: Nis ndërtimi për çerdhe, kopsht dhe shkollë në zonën e Astirit

28 Prill 2025, 11:55, Politikë CNA

Projektet për arsimin/ Rama: Nis ndërtimi për çerdhe,

Kryeministri Edi Rama ishte sot në Njësinë Administrative 14, ku po nis ndërtimin e një shkolle të re që do të funksionojë bashkë me kopshtin dhe çerdhen. Ky projekt do të ketë një kapacitet prej 900 nxënësish dhe 250 fëmijë të ciklit parashkollor për komunitetin e Astirit.

Rama i zhvilloi inspektimet në hapësirën e menduar për këtë projekt arsimor. Të pranishme ishin edhe kryetarja e komanduar e Bashkisë së Tiranës, Anela Ristani dhe ministrja Ogerta Manastirliu.

Në fjalën e tij, Rama tha se ky projekt është edhe një kërkesë e vazhdueshme e banorëve të zonës.

Rama tha se për shkak të prurjeve të reja dhe shtimit të ndërtimeve, është rritur edhe nevoja për më shumë çerdhe, kopshte e shkolla, jo vetëm në zonën e Astirit, por edhe në zona të tjera të kryeqytetit.

“Edhe kur kemi qenë para disa ditësh këtu, kjo ishte kërkesa, por iu thashë që do ta fillojmë së shpejti, ndërkohë që ju siguroj që do të shohin edhe për pika të tjera, jo vetëm këtu, por kudo në Tiranë, ku për shkak të prurjeve të reja dhe ndërtimeve të reja, ka nevojë për kopshte e çerdhe dhe duhet të ecim me atë që kemi folur, me një plan të ri për vendosjen e objekteve arsimore për Tiranën, që të shoqërohet edhe me shpronësime, me partneritete, që të kemi hapësira për shkollë”,-tha Rama.

Rama tha se projektet arsimore do të vijojnë më tej edhe me ndërtimin e dy shkollave të tjera, një 9-vjeçare dhe një e mesme, në Yzberisht dhe Kashar./CNA





Lajmet e fundit nga