web counter
LEXO PA REKLAMA!

SHKARKO APP

App Store
Google Play

E fundit!

x

Projekti për ish-Uzinën e Autotraktorëve/ Hoxha i përgjigjet opozitës: Do të prodhohen uniforma, jo eksploziv

28 Prill 2025, 12:43, Politikë CNA

Projekti për ish-Uzinën e Autotraktorëve/ Hoxha i përgjigjet

Këtë të hënë, ministri i Brendshëm, Ervin Hoxha, ishte në ish-Uzinën e Autotraktorëve në Tiranë, ku u njoftua nisja e një projekti për rijetësimin e industrisë ushtarake. Gjatë fjalës së tij, ministri, njëherësh edhe drejtues politik i njësisë 1 në Tiranë, bëri komente mbi akuzat e opozitës se ky projekt do të përbëjë rrezik.

Hoxha tha se ky projekt po sulmohet sot nga opozita, e cila vetë s’ka as ide dhe vizion.

Hoxha u shpreh se ka qenë i shqetësuar nga keqinformimet që janë përhapur lidhur me këtë projekt.

Hoxha shtoi se do të prodhohen automjete dhe uniforma dhe jo bomba e eksplozivë.

“Jemi këtu për ndërtimin e një impianti të teknologjisë të lartë mes kompanisë Kayo dhe Timak, përfshin investim serioz në teknologji moderne dhe inovative për prodhimin e automjeteve ushtarake dhe uniformave me cilësi të lartë për FA dhe policinë. Investim i rëndësishëm ekonomik për mbarë vendin, por për njësinë 1 projekt transformues, që do të sjellë zhvillim dhe hap vende pune. Ky projekt është veç një nga dhjetëra projekte transformuese, pjesë e vizionit Shqipëria 2030.

Ashtu siç ka ndodhur edhe më parë, edhe për projekte të tjera që kanë transformuar këtë vend, edhe ky projekt po sulmohet sot nga opozita, e cila vetë s’ka as ide dhe vizion, po përpiqen ta kthejnë komunitetin kundër punëve të mira që përbëhen përmes mashtrimeve dhe gënjeshtrave. Jam i vetëdijshëm që shumë banorë mund të jenë të shqetësuar nga keqinformimet që janë përhapur lidhur me këtë projekt, ndaj si përfaqësues i juaj, dua t’iu siguroj se s’ka asnjë gjë për t’u shqetësuar këtu do të prodhohen automjete dhe uniforma dhe jo bomba e eksploziv.

Shkoza s’ka asnjë arsye për t'u shqetësuar, por çdo arsye për të mirëpritur këtë projekt që do të zbatohet sipas standardeve më të larta të sigurisë teknike dhe mbrojtjes së mjedisit”,-tha Hoxha./CNA





Lajmet e fundit nga