web counter
LEXO PA REKLAMA!

SHKARKO APP

App Store
Google Play

E fundit!

x

Qytetari kapet keq me Ramën/ “Mund të dalë një zinxhir o zoti Kryeministër”

28 Prill 2025, 13:28, Politikë CNA

Qytetari kapet keq me Ramën/ “Mund të dalë një zinxhir

Sot kryeministri Edi Rama ka qenë në Ish-Uzinën e Autotraktorëve, e cila sipas tij do të rigjallërohet në funksion të Industrisë Ushtarake.

Një prej banorëve të asaj zone i ka shprehur shqetësimin kryeministrit në lidhje me infrastrukturën në këtë zonë, sipas të cilit rrugët janë gropa-gropa.

Po ashtu ai denoncoi se edhe sikur një kotec pulash të ndërtojë dikush, me IMT dhe Policia Bashkiake kërkojnë ryshfet.

"Kam disa shqetësime. Po vuajmë shumë rrugët gropa-gropa. Kam qejf të t’i them ty se nuk e di a t'i thonë apo jo. Nuk jemi në rregull.

Unë nuk kam ardhur të them për legalizmet se i kam bërë vetë. E kam bërë si gjithë tjerët. Ka mundësi për rrugët të na i rregulloni.

Nëse do të bësh një kotec pulash të vjen IMT, IKMT dhe Policia Bashkiake dhe thotë 5 njëri 5 tjetri 20 mijë euro”, është shprehur qytetari.

Nga ana tjetër, Rama u shpreh se nëse ka një rast të tillë qytetari duhet ta denoncojë.

“Nëse të vjen dikush dhe të thotë atë që the duhet ta denoncosh sepse ndryshe nuk mundet dot të funksionojë kjo punë që ti të çohesh këtu e të flasësh në hava. Unë nuk e përjashtoj që të ketë individë të tillë. Por kur thua policia është shumë e madhe se janë 9 mijë veta”, tha kryeministri.

Ndërkohë debati mes kryeministrit dhe qytetarit vijoi dhe pas mbylljes së takimit, ku kryeministri i kërkon të japë emrat e atyre që i kanë kërkuar para, ndërsa qytetari i thotë se nuk thotë emra pasi mund të dalë një zinxhir i tërë./ CNA

 





Lajmet e fundit nga