web counter
LEXO PA REKLAMA!

SHKARKO APP

App Store
Google Play

E fundit!

x

"Do të bëjmë gjithçka derisa ta largojmë"/ Berisha: Rama do që ne të braktisim Parlamentin

13 Prill 2026, 15:30, Politikë CNA

"Do të bëjmë gjithçka derisa ta largojmë"/

Kryetari i Partisë Demokratike, Sali Berisha, në mbledhjen e sotme me Kolegjet e Kryetarëve ka folur edhe për mundësinë e braktisjes së Parlamentit nga opozita. Berisha tha se braktisja e Parlamentit është pikërisht gjëja që Rama kërkon të ndodhë, por opozita nuk do e bëjë.

Kryedemokrati tha se ka shumë arsye që opozita të largohet nga Parlamenti, por ata do të bëjnë gjithçka që Rama të largohet nga pushteti.

Sa u përket protestave të opozitës, Berisha u shpreh se janë legjitimë në çdo akt kryengritje paqësore.

Në fjalën e tij, Berisha po ashtu tha se Partia Demokratike i ka lanë pas problemet që kishte dhe i vetmi problem i saji tani është Rama.

 

“Jemi në kilometrin e fundit. Prapë e them këtu, do ta them gjithnjë. Çfarë do të thotë kjo? Kjo do të thotë që problemet që ne kishim i kemi lënë mbrapa. Tani kemi një problem. Dhe ky është problem Edi Rama, pushteti i krimit. Dhe ne duhet të qëndrojmë me të me të gjithë forcën. Koha provon se protesta është arma jonë më kryesore. Ky asgjësoi Parlamentin, si kurrë ndonjëherë. Parlamenti është inekzistent. Nuk lejon asnjë komision hetimor parlamentar. Nuk pranon asnjë interpelancë. Nuk pranon asnjë debat me mocion. Deputetëve tanë nuk u sjellin informacionin, dokumentet sipas ligjit të detyruar. Ai jep jo një, po 1000 arsye që ne të braktisim Parlamentin. Ne nuk e bëjmë atë. Jo. Pikërisht se ai do. Ne nuk e bëjmë atë. Por ne, ne do të bëjmë gjithçka me qytetarët kundër tij, gjersa të largohet nga pushteti. Ky është qëndrimi ynë. Ne jemi legjitimë në çdo akt kryengritjeje paqësore ndaj këtij regjimi”, tha Berisha.





Lajmet e fundit nga