web counter
LEXO PA REKLAMA!

SHKARKO APP

App Store
Google Play

E fundit!

x

“Parlamenti i njerëzve para Kryeministrisë”/ Këlliçi: 4 ditë para bashkimit kundër korrupsionit

13 Prill 2026, 11:30, Politikë CNA

“Parlamenti i njerëzve para Kryeministrisë”/

Deputeti i Partisë Demokratike, Belind Këlliçi, ka deklaruar se opozita dhe qytetarët janë 4 ditë para bashkimit të madh kundër korrupsionit, duke akuzuar qeverinë dhe kryeministrin Edi Rama për mbrojtje të vjedhjeve dhe pengim të integrimit europian.

Këlliçi tha se sonte do të zhvillohet një tjetër “foltore”, ku qytetarët dhe mbështetësit e opozitës do të kenë mundësi të shprehin shqetësimet e tyre, të cilat sipas tij nuk dëgjohen për shkak të censurës.

Ai shtoi se nisma “Parlamenti i njerëzve”, që pritet të zhvillohet para Kryeministrisë, synon të shërbejë si një hapësirë për zërin e qytetarëve dhe për denoncimin e problematikave që opozita ngre ndaj qeverisë.

Sipas Këlliçit, kjo lëvizje përfaqëson një bashkim të madh të qytetarëve dhe demokratëve kundër korrupsionit dhe për ndryshim politik në vend.

“Jemi 4 ditë para bashkimit tonë të madh kundër korrupsionit, kundër mbrojtjes që u bën Edi Rama vjedhjeve, kundër bllokimit të integrimit europian.

Sonte takohemi në foltoren e radhës, ku qytetarët e demokratët kanë mundësinë të shprehen për shqetësimet që pengon censura.

Parlamenti i njerëzve, para Kryeministrisë”, shkruan Këlliçi./ CNA





Lajmet e fundit nga