“Nuk ka bllokim të procesit të integrimit”/ Rama: Korrupsioni ekziston, por po luftohet

10 Prill 2026, 20:57, Politikë CNA

“Nuk ka bllokim të procesit të integrimit”/ Rama:

Në takimin e Asamblesë së PS-së në Berat, kryeministri Edi Rama tha se edhe ambasadori i BE-së, Silvio Gonzato tha se nuk ka asnjë bllokim të procesit të integrimit të Shqipërisë në BE.

Lidhur me korrupsionin, Rama u shpreh se ekziston por po luftohet më shumë se kurrë dhe se ulja e tij shihet tek rritja e ekonomisë.

Ndër të tjera u shpreh se faktet, siç sipas tij janë rritja e pagave dhe punësimit, janë shumë herë më të vlefshme sesa çfarë thuhen në media të cilave Rama iu referohet si “tenxhere”.

“E dëgjuat ambasadorin e BE-së, kur tha se nuk ka asnjë bllokim të Shqipërisë. Prej muajsh ata të cilët nëpër studio se nuk ka shans të futemi në BE. Janë po ata që kur në në parlament morëm një vendim për një kërkesë të Prokurorisë, mbushën tenxheret se e humbëm Europën. Këta i dinë shqiptarët për budallenj dhe sa më shumë i trajtojnë kështu, aq më tepër shqiptarët jua tregojnë vendin në zgjedhje. Edhe të huajt më thonë si ka mundësi edhe Maqedoninë e Veriut ka pasur probleme por asnjë maqedonas nuk ka shkuar të thotë bllokojeni vendin. E njëjta dhe për Malin e Zi, por këto na kanë rënë për pjesë. Gjithashtu na ka rënë barra të çojmë Shqipërinë në BE dhe të rrisimin ekonominë. Ju kanë çmendur me poteren “korrupsioni është rritur”, kur në fakt korrupsioni luftohet më shumë se çdo herë tjetër dhe është më i ulur. Ulja e korrupsionit shihet tek ekonomia. Si ka mundësi rritet korrupsioni dhe rriten dhe të ardhurat e kompanitë që përfitojnë nga tenderat. Ne i kemi taksuar më shumë ata që kanë më shumë të ardhura. Ndërkohë nga lejet e ndërtimit kemi fituar 14 milionë euro taksë. Unë jam i gatshëm t’i p[ëtrballoj të gjithë me fakte kurse me vendimet e tenxhereve sa ka vjedhur njëri, apo kur tjetri nuk ka akuzë as nga Prokuroia dhe në tenxhere thuhet ka vjedhur miliarda, është e kotë ta diskutojmë. Në fund të ditës vlejnë vetëm faktet. Pagat, punësimi po rriten. Punët po bëhen. Korrupsioni është problem dhe po merremi më seriozisht se kurrë për të”, tha Rama. /CNA