web counter
LEXO PA REKLAMA!

SHKARKO APP

App Store
Google Play

Deputetët e opozitës i ka blerë Veliaj apo kanë frikën e zdromsit?

16 Tetor 2024, 19:56, Politikë CNA

Deputetët e opozitës i ka blerë Veliaj apo kanë frikën

Nesër, para Bashkisë së Tiranës zhvillohet protesta e radhës ndaj kryebashkiakut Erion Veliaj, ndaj aferës “5D”, një nga më kriminalet, nga vjedhjet më të mëdha që është kapur ndonjëherë nga zyrtarë të lartë të shtetit shqiptar. (Lexo këtu)

Protesta zhvillohet edhe ndaj aferës së inceneratorëve një miliard euro, me një kontratë koncesionare, me një investim prej 428 milionë eurosh dhe me qindra miliona të tjera të ardhura të firmosura nëpërmjet zyrtarëve të Bashkisë së Tiranës, për llogari të koncesionarit. (Lexo këtu)

Por duket se deputetët e opozitës ose kanë frikë Erion Veliajn, ose janë të blerë. Shumica e tyre nuk i bëjnë thirrje mbështetësve të shkojnë në protestë.

Deputetët e opozitës i ka blerë Veliaj apo kanë frikën
Erion Veliaj

Përtej faktit shkojnë apo jo në ballkonin e doktorit, mbajnë apo jo të njëjtat qëndrime siç mban shumica e opozitës, si mundet që deputetët e kryeqytetit, drejtuesit e njësive vendore, kryesitë e tyre, Kryesia e Tiranës, këshilltarët e Këshillit Bashkiak të Tiranës të mos ftojnë qytetarët të protestojnë?

Mesa duket, gjithçka ka mbetur në dorën e 4 apo 5 personave, të cilët janë njerëzit që nuk i janë ndarë kurrë kësaj historie dhe kësaj proteste deri në zbardhjen e plotë dhe çuarjen e çdo përgjegjësi para drejtësisë. (Lexo këtu)

Deputetët e opozitës i ka blerë Veliaj apo kanë frikën
Foto nga protestat para Bashkisë së Tiranës

Shumica e deputetëve të PD-së hesht, edhe deputetët e kryeqytetit heshtin, edhe partitë aleate, shumë pak janë që flasin. (Lexo këtu)

Numërohen me gishtat e dorës ata që iu bëjnë thirrje qytetarëve të shkojnë në protestë, pa folur pastaj që nuk shkojnë as vetë aty, pasi e quajnë veten ndoshta më të rëndësishëm sesa në protestë për hajdutët e Bashkisë së Tiranës./ CNA





Lajmet e fundit nga