web counter
LEXO PA REKLAMA!

SHKARKO APP

App Store
Google Play

E fundit!

x

Djegia e karrigeve të Kuvendit/ Fatura 764.922 mijë lekë do paguhet nga 4 deputetë të PD-së

16 Tetor 2024, 13:33, Politikë CNA

Djegia e karrigeve të Kuvendit/ Fatura 764.922 mijë lekë do

 

Katër deputetët e Partisë Demokratike duhet të paguajnë 764.922 mijë lekë për dëmet financiare të shkaktuara në seancën e 30 shtatorit, ku përveç përplasjes brenda godinës së Parlamentit, deputetët e opozitës dogjën në formë proteste edhe karriget në oborrin e Kuvendit.

Sipas dokumenteve, përgjegjës konsiderohen deputetët Gazment Bardhi, Flamur Noka, Bledian Nallbati dhe Elda Hoti.

Secili prej tyre është ngarkuar me zhdëmtimin e një vlere respektive, vlerë që duhet të shlyhet deri në 20 Nëntor, ose ndryshe do t’u mbahet nga paga.

Fatura, dëmet e shkaktuara në shumën 764.922 mijë lekë

Gazment Bardhi duhet të zhdëmtojë demet me vlerë 209.175 lekë

Flamur Noka duhet të zhdëmtojë dëmet me vlerë 187.455 lekë

Bledian Nallbati duhet të zhdëmtojë dëmet me vlerë 187.455 lekë

Elda Hoti duhet të zhdëmtojë dëmet me vlerë 180. 837 lekë

Kujtojmë se në seancën e 30 shtatorit u dogjën dhe dëmtuan 30 karrige, tapeti ceremonial në hyrje të sallës së seancave plenare dhe stema e Republikës brenda në sallën e seancave. Deputetët opozitarë sollën përplasjet në kuvend, pas vendimit të Apelit i cili la në burg Ervin Salianjin./ CNA





Lajmet e fundit nga