web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja me Italinë/ Nesho: Investim i Ramës për të mbajtur karrigen

15 Tetor 2024, 22:00, Politikë CNA
Marrëveshja me Italinë/ Nesho: Investim i Ramës për të
Ish-amabasadori, Agim Nesho

Ish-amabasadori, Agim Nesho thotë se kryeministri Rama po e përdor marrëveshjen e migrantëve për të mbajtur karrigen e tij politike, edhe përtej 2025.

Gjatë një daljeje televizive, Nesho tha se për vënien në punë të një projekti të tillë siç është ‘Gjadri’, Ramën e kanë studiuar dhe po e përdorin politikisht.

Ndër të tjera, Nesho tha se vendet evropiane janë në krizë identiteti, edhe për shkak të dyndjeve të migrantëve në këto shtete.

Nesho thekson se përmes propagandës kërkon ta shesë si arritje, çeljen e negociatave, integrimi është thuajse i pamundur, për shkak se Shqipëria nuk plotëson asnjë kriter.

"Janë interesat e përhershme. Shikojnë integritetin e njeriut dhe dinë me kë bëjnë politikë, e përdorin. I tillë është Rama. E kanë parë e studiuar dhe po e përdorin. Debati për migrantët ka filluar në të gjithë botën, sidomos në Evropë. Kanë shpërthyer në pozicione të caktuara, është makinacion politik mes dy individëve. Meloni që do të mbajë veten në pushtet dhe një njeriu që është vetëofruar. Projekti nuk dihet se çfarë korrupsioni ka, shtypi dhe senati në parlamentin Italian kanë diskutuar që është alokuar vetëm fondi 60 mln, dhe ia dhënë me kontraktim që mund të shkojë më shumë.

Me këtë lëvizje, veç mbrojtjes politikisht për të qëndruar në pushtet, Rama e kërkon si një mbrojtje për të qenë në pushtet edhe më 2025. Tunizia e quajti marrëveshje ‘më jep të jap’, që do t’i kthente këto para në buxhet të shtetit, ne s’bëmë asnjë lëvizje që të çon drejt këmbimit, se është investim për të mbajtur karrigen e tij politike.

Samiti i ardhshëm i BE, ka çështjen e migrantëve. Vendet anëtare kërkojnë të kenë të njëjtën gjë, kampe në Afrikë, Azi.  Evropa është në provë, do të mbetet një konfederacion i shteteve. E djathta konservatore kërkon që çështjet e sovrantitetit të trajtohet në nivelin individual të vendeve.  Kriza identitare çoi në BREXIT, Evropa është në këtë krizë, dhe një ndër këto që e provokon është dyndja nga vendet e tjera.

Rama duke marrë këta potencialisht, 40 mijë emigrantë, do e kenë të pamundur të ikin, dhe këta i humbasin shansin Shqipërisë të integrohet në BE. Zgjidhje e momentit e evropianeve, kërkon të bëjnë zgjidhje politike brenda politikës me njerëz antikombëtar, si Rama që mendojnë vetëm se si mund të qëndrojnë në pushtet.

Ne s’plotësojmë asnjë kriter për të qenë në BE, ky ishte pazari me Melonin, që iu ofrua në fillim anglezit dhe gjermanit. Hapja e negociatave dhe pompimi që bëri, është ajo që i duhet Ramës më 2025, se e kam çuar vendin një hap më afër Evropës. BE vështirë ta pranojë një vend me të tilla problematika. Ne jemi jashtë gjithë kritereve, bëri hapjen për të treguar propagandën se do t’u çoj në Evropë. S’mund të futemi me këto parametra në Evropë, vetë Rama nuk do. Regjime të tilla, si Rama, autokrat që po rrëshqet drejt diktaturës po e përdor këtë fazë për të marrë zgjedhjet më 2025 deri më 2030, dhe atëherë të gjejë diçka tjetër."/CNA

 

 





Lajmet e fundit nga