web counter
LEXO PA REKLAMA!

SHKARKO APP

App Store
Google Play

E fundit!

x

Bushati: Mazhoranca, të bëjë një hap pas me opozitën, të dalim nga qerthulli i vëllavrasjes

16 Tetor 2024, 08:08, Politikë CNA
Bushati: Mazhoranca, të bëjë një hap pas me opozitën,
Ish-ministri i Jashtëm Ditmir Bushati

Ish-ministri i Jashtëm Ditmir Bushati ka deklaruar se, mazhoranca dhe opozita duhet të ulen në një tryezë për të arritur një frymë bashkëpunim në lidhje me procesin e integrimit të Shqipërisë në BE.

I ftuar në emisionin e Erla Mëhillit, Bushati u shpreh se në këtë rast mazhoranca duhet të bëjë një hap pas, që të dalin nga qerthulli i vëllavrasjes.

“Kam një ndjesi shumë të keqe që u rikthye edhe njëherë në parlament çështja e rregullores dhe çështja e dënimeve. Mund të hapni arkivat, unë kam qenë pjesë për reformën parlamentare, kur ajo ishte një nga 3 kushtet e famshme për të marrë statusin e vendit kandidat. BE-ja ta krijon si mundësi, si kusht, që ti të fillosh të përmirësosh bashkëjetesën me fqinjin, se ne jemi të gjithë shqiptare.

Në momentin që ka një klimë tjetër politike më bashkëpunuese ta garantojë se ne shqiptarët jemi rracë e zgjuar. Gjërat në Shqipëri kanë shkuar shumë larg. Për hapin pas ka gjithmonë mundësi se kush ta bëjë. Mund ta bëjë mazhoranca. Ne kur ishim në opozitë, dilnim me plane me 3 pika me 10 pika.

Nuk është se Berisha ishte demokrat i madh dhe na trajtonte ne me dashamirësi të madhe, por nga ana tjetër, nuk duhet të qëndrojmë peng i të shkuarës. Kur je në pushtet ti ke interes që pala që është në opozitë të jetë e përfshirë në këto procese.

Pra të ketë diskutime të njëmenda dhe ndarje rolesh në funksion të interesit kombëtar. Mund ta bëjë këtë presidenti i republikës. Ka sa të duash aktor. Mund ta bëjë edhe Baba Mondi, kur ai flet për Jerusalem Post me padurimin për të krijuar shtetin Bektashi, mund t’i kërkohet mendim edhe për këtë.

Dua të them që ne duhet të dalim nga qerthulli vicioz i vëllavrasjes. Jemi të lodhur me njëri-tjetrin, jo më të ulemi ne si një tryezë me gjithë vendet anëtare të BE-së aty do negociosh për çdo gjë. kur ti nuk arrin konsensus brenda vendit tënd, ça konsensus pret të gjesh me BE-në”,tha Bushati./ CNA





Lajmet e fundit nga