web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Berisha: Veliajn ta varim në shtyllën e turpit

16 Tetor 2024, 19:37, Politikë CNA
Protesta e opozitës/ Berisha: Veliajn ta varim në shtyllën e
Kreu i demokratëve, Sali Berisha

Kreu i demokratëve, Sali Berisha ka folur për pasuritë publike të vendit, ku në fjalën e tij akuzon kryeministrin Rama se ai është shkaku i vjedhjeve që po ndodhin në Shqipëri.

Berisha hodhi akuza edhe mbi organet e drejtësisë, ku sipas tij mbulojnë vjedhjet e mercenarëve dhe bëjnë pazare me vrasës e përdhunues.

“Të dashur miq, të dashur qytetarë dhe qytetare që ndiqni këtë fjalë shkaku më themelor i kësaj realisht katastrofe sociale qendron në vjedhjen e fondeve dhe pasurive publike nga Edi Rama, qeveritarët dhe zyrtarët e tij.

Shkaku më kryesor qendron në mburojën e kësaj vjedhjeje nga mercenarët, anëtarët e organizatës kriminale të Spakut të partisë, të cilët u serviren ju sikur të ishin banorë të një planeti tjetër, si herinj të fëmijëve tuaj, në një kohë kur këta janë kriminelë të vërtetë të fëmijëve tuaj, sepse mbrojnë dosjet e mëdha të korrupsionit dhe vjedhjeve, sepse mashtrojnë dhe vetëm mashtrojnë për të mbrojtur hajdutët qeveritarë, sepse vjedhin për vete dhe vetëm vjedhin dhe bëjnë pazare me vrasës, oërdhunues, trafikantë se si e si t;ju mbyllin dosjet, se si e si ti njoftojnë të largohen, se si e si t’u zhvasin 1 mln euro për një pyetje.”

Ndër të tjera, Berisha lajmëroi që nesër do të zhvillohet protesta para bashkisë së Tiranës në orën 11:00, kundër padrejtësive dhe vjedhjeve të Erion Veliajt.

Berisha u bëri thirrje qytetarëve të bashkohen ditën e nesërme dhe Veliaj të varet publikisht në shtyllën e turpit.

"Nesër në 11 ju ftoj në protestë, për tu ngritur kundër fondeve publike që vidhen pa masë nga Edi Rama dhe oligartët e tij, që janë bërë me prona e pasuri si sheikët.

Veliaj për një pishë që nuk ekziston u ka vjedhur shqiptarëve 60 milion euro, të varet publikisht në shtyllën e turpit."/CNA





Lajmet e fundit nga