web counter
LEXO PA REKLAMA!

SHKARKO APP

App Store
Google Play

E fundit!

x

Demokratët e Vorës zgjedhin kandidatin/ Indrit Hoxha fiton primaret

4 Dhjetor 2022, 19:37, Politikë CNA
Demokratët e Vorës zgjedhin kandidatin/ Indrit Hoxha fiton primaret
Indrit Hoxha

Procesi i numërimit të votave për Primaret e Partisë Demokratike ka përfunduar në shumicën e bashkive të vendit.

Në Vorë fitues është shpallur, Indrit Hoxha me 82% të votave të qytetarëve.

Lajmin e ka bërë të ditur vetë Hoxha, duke i premtuar qytetarëve vullnetin dhe përkushtimin e tij të plotë për të punuar gjatë fushatës për zgjedhjet e 14 majit.

Hoxha ka shtuar ndër të tjera se do të zhvillojë një fushatë në mbrojtje të votë së lirë për të shpëtuar Vorën nga pushteti socialist.

“Sot me 82% e bekimit të anëtareve dhe simpatizantëve në Bashkinë Vorë unë afirmoj vullnetin tim për të punuar me përkushtim për një fushatë model, për një fushatë të fuqishme, për një fushatë në mbrojtje të votës së lirë krahas kësaj me një program real zhvillimi të kësaj zone të bllokuar në procesin jetik të zhvillimit nga mafia, ndërthurja e interesave dhe nga pushteti socialist totalitar që ka zaptuar dhe falimentuar gjithçka.

Së bashku do ta çlirojmë Vorën nga kjo kapje!

Së bashku do të bëjmë që Vora të shpërthejë potencialin e saj, do të bëjmë që ajo të jetë nyja industriale e Shqipërisë në trekëndëshin më të zhvilluar të ultësirës perëndimore, Tiranë-Durrës-Lezhë.

Ky është një mesazh për të gjithë strukturat e Partisë Demokratike në bazë, për të gjithë faktorët influentë të kësaj zone, për të gjithë simpatizantët dhe votuesit tanë .

Unë kandidoj për t’i dhënë bashkisë drejtimin e nevojshëm në funksion të shpërthimit të impulseve që ka zona e mrekullueshme e Vorës në të gjithë dimensionin, në të gjithë territorin e saj me diversitet, me rëndësi ekonomike dhe me potencial për të qenë një motor zhvillimi për të gjithë Vorën”, deklaron Hoxha në një status në rrjetet sociale./ B.A. – CNA.al





Lajmet e fundit nga