Dekreti për zgjedhjet/ Begaj: Në përputhje me parimet kushtetuese, gjykata s'ka marrë vendim

2 Tetor 2025, 21:31, Politikë CNA

Dekreti për zgjedhjet/ Begaj: Në përputhje me parimet

Presidenti i Republikës, Bajram Begaj në një dalje televizive ka folur mbi dekretin e datës së zgjedhjeve të pjesshme lokale dhe debatet e shumta mbi Bashkinë e Tiranës.

Begaj tha se nuk mund të balancohen dekreti i presidentit dhe vendimi i Gjykatës Kushtetuese.

Më tej, Begaj deklaroi se referuar shkarkimit të Erion Veliajt nga detyra e krybashkiakut, vendimi është marrë nga Këshili i Ministrave dhe është propozar nga Këshilli Bashkiak në bazë të mungesës së tij në detyrë dhe jo për shkeljet për të cilat akuzohet.

Begaj tha se dekretimi është bërë pas një analize mbi pretendimin e çdo pale.

Sa i përket vendimit të Kushtetueses për ankimimin e Veliajt, presidenti u shpreh se dekreti nuk u mohon të drejtat palëve për t’i çuar pretendimet në instancat përkatëse dhe ende s'ka vendim nga GJK.

Dekretimi i datës, tha Begaj, u bë në respekt të kompetencës kushtetuese.

“Nuk mund të vendoset balancë midis dekretit të presidentit dhe vendimit të Kushtetueses. Kryetari i bashkisë është shkarkuar me VKM nga Këshilli i Ministrave pas propozimit të Këshillit Bashkiak, i cili gjeti shkak ligjor mosparaqitjen në detyrë. Qeveria në vendimin e shpallur thotë se shkarkimi është bërë me motivacionin e mosparaqitjes në detyrë. Kjo dilemë është konsultuar me ekipin dhe është marrë në analizë çdo pretendim palësh. Pas një diskutimi. Me siguruan që në respekt të parimeve kushteutese, presidenti duhet të ushtrojë kompetencën kushtetuese për nxjerrjen e dekretetit për zgjedhjet. Me nxjerrjen e dekretit nuk u është mohuar e drejta palëve për të çuar pretendimet në instancat përkatëse. Në dijeni, Gjykata Kushtetuese nuk ka marrë vendim ende.

Nuk mund të aludoj mbi vendimin e GJK, është në të drejtën e saj të zbatojë detyrimin ligjor. Kur nxjerrim një akt, sigurohemi të marrim për bazë çdo pretendim”, tha Begaj./CNA