web counter
LEXO PA REKLAMA!

SHKARKO APP

App Store
Google Play

E fundit!

x

Krijohet kompania shtetërore “MobAl”/ Transporti publik, jo më në varësi të bashkive

2 Tetor 2025, 19:52, Politikë CNA

Krijohet kompania shtetërore “MobAl”/ Transporti publik, jo

Transporti publik nuk do të jetë më në varësi të bashkive, po në administrim nga një kompani shtetërore.

Mësohet se Këshilli i Ministrave ka miratuar ngritjen e shoqërisë “MobAI” e cila do të jetë me kapital 100% shtetëror. 

“Shoqëria “MobAl”, sh.a., ka si objekt të veprimtarisë operimin e shërbimit të transportit publik rrugor të udhëtarëve, përfshirë destinacionet turistike; operimin e shërbimeve të rregullta të specializuara të transportit të udhëtarëve përfshirë transportin e nxënësve dhe të punonjësve arsimorë; arkëtimin e tarifës së biletave në mënyrë fizike ose elektronike dhe krijimin ose sigurimin e sistemeve e të aplikacioneve elektronike për menaxhimin, informacionin dhe monitorimin e shërbimeve të transportit publik rrugor të udhëtarëve. Burimi i të ardhurave të shoqërisë “MobAl” janë të ardhura nga arkëtimi i tarifës së biletës; të ardhura nga tarifa vjetore, që përftohet nga subjektet që kryejnë shërbimin e operimit të shërbimeve të transportit publik rrugor;  të ardhura të tjera të ligjshme, të cilat vijnë nga kryerja e veprimtarive sipas pikës 7, të këtij vendimi dhe grantet, huatë, subvencionet”,-thuhet në vendim.

Shoqëria e re “MobAl” do të operojë si një strukturë publike, nën varësinë e Ministrisë së Infrastrukturës dhe Energjisë, e cila do të përfaqësojë shtetin si aksionar i vetëm.

Kapitali fillestar prej 10 milionë lekësh do të transferohet nga buxheti i ministrisë. Më pas “MobAl” do të funksionojë me vetëfinancim./CNA

 





Lajmet e fundit nga