web counter
LEXO PA REKLAMA!

SHKARKO APP

App Store
Google Play

E fundit!

x

"Nuk e mbron dot Kushtetutën"/ Gazetari: Beteja kryesore e PD-së është të çojë vendin në zgjedhje të parakohshme

2 Tetor 2025, 19:24, Politikë CNA

"Nuk e mbron dot Kushtetutën"/ Gazetari: Beteja kryesore e

Gazetari Bledian Koka i ftuar në emisionin “Tast Force” në Syri Tv ka thënë se beteja kryesore e PD-së është të çojë vendin në zgjedhje të parakohshme.

Më tej, referuar deklaratave të opozitës se po shkelet Kushtetuta, Koka tha se PD nuk është as presidenti as ushtria, sepse kur shkelet Kushtetuta është ushtria ajo që del në rrugë. PD, tha Koka, ka deputetët në Parlament, por nuk e mbron dot Kushtetutën kur shumica vepron ndryshe.

“Beteja kryesore e një partie në opozitë është të çojë vendin në zgjedhje të parakohshme. Beteja kryesore e PD-së është të çojë vendin në zgjedhje të parakohshme. Sot, PD dhe të gjitha forcat politike janë thirrur në kaos. PD nuk është Presidenti i Republikës, nuk është as ushtria sepse në vende që kanë ndjeshmëri kur shkelet Kushtetuta, del ushtria në rrugë.

PD nuk është asnjë nga këto; ka deputetë e saj në Parlament dhe ushtrojnë detyrën e tyre në mënyrë kushtetuese, por nuk e mbrojnë dot Kushtetutën kur shumica vepron ndryshe. Ajo që është e vetmja mënyrë për t’u përgjigjur janë zgjedhjet. Në Shqipëri, të gjithë e dimë që shpesh nuk janë zgjedhje, por vjedhje. Sërish, ato janë i vetmi mekanizëm demokratik që mund të përdoret si i tillë; t’u themi dhe qytetarëve që ne jemi vend i NATO-s demonstratat përmbysëse të regjimit nuk bëjnë punë. Duhet të veprojmë vetëm me ato mekanizma që kemi në dorë; nuk shpikim dot mekanizma të rinj për ndryshim dhe përballje me regjimin. Prapë tek zgjedhjet do të shkojmë, kurdo të ndodhin dhe sido të ndodhin”, tha Koka./CNA





Lajmet e fundit nga