web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e pjesshme në 6 bashki/ KQZ, draft për afatet: Fushata nis më 1 nëntor

2 Tetor 2025, 16:03, Politikë CNA

Zgjedhjet e pjesshme në 6 bashki/ KQZ, draft për afatet: Fushata nis

Komisioni Qendror i Zgjedhjeve, përmes një drafti, ka caktuar datën 1 nëntor për fillimin e fushatës zgjedhore për zgjedhjet e pjesshme në gjashtë bashkitë e vendit.

Zgjedhjet në bashkinë Tiranë, Berat, Tepelenë, Cërrik, Mat dhe Vlorë janë caktuar të zhvillohen më 9 nëntor 2025, me dekret të Presidentit të Republikës.

Sipas draftit të KQZ-së, partitë politike duhet të dorëzojnë kërkesën për regjistrim si subjekte zgjedhore deri më 11 tetor, ndërsa koalicionet kanë afat deri më 16 tetor për dorëzimin e kërkesave për regjistrim.

Afati i fundit për dorëzimin e dokumenteve të kandidimit për kandidatët është data 19 tetor.

Njoftimi i  plotë:

“Afatet për zgjedhjet e pjesshme, Celibashi propozim Rregullatorit: Kandidatët më 19 tetor, fushata nis më 1 nëntor

1.Fushata zgjedhore për zgjedhjet e pjesshme vendore për Kryetar bashkie në Bashkitë Tiranë, Berat, Tepelenë, Cërrik, Mat dhe Vlorë, fillon më datë 1.11.2025.

2.Zyra e Gjendjes Civile në këto bashki, në bashkëpunim me Drejtorinë e Përgjithshme të Gjendjes Civile, hartojnë listat e zgjedhësve jo më vonë se data 6.10.2025.

3.Partitë politike duhet të paraqesin kërkesën në KQZ, për regjistrim si subjekte zgjedhore, për zgjedhjet e pjesshme për Kryetar në Bashkitë Tiranë, Berat, Tepelenë, Cërrik, Mat dhe Vlorë, jo më vonë se data 11.10.2025.

4.Koalicionet zgjedhore duhet të paraqesin në KQZ, kërkesën për regjistrimin si koalicion për zgjedhjet e pjesshme për Kryetar në Bashkitë Tiranë, Berat, Tepelenë, Cërrik, Mat dhe Vlorë, jo më vonë se data 16.10.2025.

5.Dokumentet e kandidimi*t paraqiten në KQZ për bashkitë Tiranë, Vlorë dhe Berat, si dhe në KZAZ për bashkitë Tepelenë, Cërrik dhe Mat, *jo më vonë se data 19.10.2025”./CNA 

 





Lajmet e fundit nga