web counter
LEXO PA REKLAMA!

SHKARKO APP

App Store
Google Play

“Dekreti i Presidentit, 6 gabime ortografike”/ Qafoku: Zysha e gjuhës shqipe do i vinte notën 4

1 Tetor 2025, 22:48, Politikë CNA

“Dekreti i Presidentit, 6 gabime ortografike”/ Qafoku: Zysha e

Gazetari Roland Qafoku deklaroi se dekreti i sotëm i presidentit Bajram Begaj, veç të tjerash, ka edhe 6 gabime ortografike.

I ftuar në një emision në A2CNN, Qafoku u shpreh se këto gabime janë ulëritëse për një zyrtar të lartë shtetëror.

Qafoku ironizoi duke thënë se nëse do të vlerësohej për gjuhën shqipe, Begaj do të merrte notën 4.

“Në Dekretin e Presidentit, tani ma kapi syri, kam gjetur 6 gabime ortografike në aq pak tekst. Mund të çohem t’i shpjegojë? Gjashtë gabime ortografike në aq pak, por lere në të tjerat pastaj. Kjo është ulëritëse sesi mund të ketë… Kjo thonjza këtu është e panevojshme. Këto 2 pikat, unë për herë të parë i shikoj në jetën time.

Por edhe sikur të ishin të sakta, këtu është pikë, këtu janë dy pika. Këtu ‘ky dekret hyn në fuqi këtu pikë’. Këtu ‘dekreti numër 350 pikë’. Këtu përsëri pikë. Sepse po themi për Dekretin e Presidentit, se aty ka edhe specialistë të gjuhës.

Këtu edhe në përmbajtjen e shkresës ka gabime. Dekreti është anti-kushtetues, por dekreti ka edhe gabime gjuhësore. Imagjino sa shpejt është bërë atje. Jam i bindur se nuk e ka parë ndonjë specialist gjuhe, sepse nuk mund të bëhet pikë-presje dhe pastaj shqip. Me këtë shkresë, zysha e gjuhës shqipe do i vinte notën 4, sepse aty 30 fjalë janë”,-tha Qafoku./CNA

 





Lajmet e fundit nga