web counter
LEXO PA REKLAMA!

SHKARKO APP

App Store
Google Play

“Rama është kthyer në rrezik ndërkombëtar”/ Vokshi: Zgjedhjet në Shqipëri rrezikohen nga kartelet e drogës dhe bandat

1 Tetor 2025, 17:40, Politikë CNA

“Rama është kthyer në rrezik ndërkombëtar”/

Deputetja e Partisë Demokratike, Albana Vokshi tha sot se në Shqipëri nuk ka zgjedhje të lira, teksa foli për zgjedhjet për Bashkinë e Tiranës, duke iu referuar ndërkohë zgjedhjeve parlamentare të 11 majit.

E ftuar në ‘Syri Tv’, Vokshi tha se zgjedhjet në Shqipëri kanë problematika të mëdha, jo vetëm se vendi drejtohet nga Edi Rama, por edhe për shkak të forcimit të karteleve të drogës dhe bandave kriminale.  

“Për zgjedhjet, ç’të flasim? Në Shqipëri nuk ka zgjedhje të lira. Siç ndodhi më 11 maj, nuk ka zgjedhje kur është Edi Rama. Këtu në Këshillin e Europës është sesioni i vjeshtës, ku jam së bashku me Berishën, i cili ka raportuar për zgjedhjet në Shqipëri, për situatën pas tyre dhe për rrëmbimin e të gjitha institucioneve nga Rama. Sot vërtetohet edhe një herë që edhe institucioni i Presidentit është 100% i kontrolluar. Berisha ka raportuar gjithashtu për ndërhyrjen, infiltrimin dhe ndikimin e bandave dhe karteleve të drogës në zgjedhjet e 11 majit.

Sepse e vërteta është se Shqipëria nuk pati zgjedhje, por problematika më e madhe jo vetëm për Shqipërinë është që Rama ka forcuar edhe më shumë kartelet e drogës dhe bandat kriminale, të cilat po pastrojnë në vendin tonë jo vetëm paratë e krimit dhe drogës shqiptare, por edhe të krimit të organizuar ndërkombëtar.

Rama është kthyer në një rrezik ndërkombëtar. Për çfarë zgjedhjesh të flasim ne, kur janë bandat që kanë zgjedhur në Parlament mbi 20-25 deputetë, të cilët nuk u flasin qytetarëve në Parlament, por u shërbejnë bandave”,-tha Vokshi./CNA

 





Lajmet e fundit nga