web counter
LEXO PA REKLAMA!

SHKARKO APP

App Store
Google Play

“Opozita nuk po reflekton”/ Koçi: Qasje e gabuar në Kuvend dhe me ndërkombëtarët

1 Tetor 2025, 15:51, Politikë CNA

“Opozita nuk po reflekton”/ Koçi: Qasje e gabuar në

Ish-deputeti socialist, Petro Koçi, komentoi sot situatën e opozitës në legjislaturën e re.

Në një dalje televizive, Koçi tha se opozita po vetëpengohet dhe nuk po reflekton me rinisjen e Parlamentit.

Koçi kritikoi qasjen e opozitës në prezantimin e saj në Kuvend, por edhe në raport me ndërkombëtarët.

“Opozita e pengoi vetë prezantimin e programit qeverisës në Parlament. Nuk shoh asnjë reflektim tek ajo. Te procesi i integrimit në BE duket qartë progresi i vendit, nëpërmjet leximit të grupkapitujve dhe lexohet gjithashtu arritja e standardeve nëpërmjet plotësimit të këtyre grupkapitujve.

Dyert e BE-së janë më të hapura se kurrë dhe ky është shans i madh për vendin, ndaj mendoj se këtu opozita po gabon. Qeveria ka meritat e saj të veçanta, kurse opozita thjesht po e përforcon këtë nëpërmjet veprimeve të saj. Ata vetëm nxijnë me fjalimet e tyre, qoftë këtu, ashtu edhe në takime me ndërkombëtarët. Këta e nisin dhe mbyllin me narkorafikun, qeveria Rama etj., për mua kjo është një qasje e gabuar nga opozita. Mendoj se raporti për zgjedhjet do të pritet me shumë interes.

Në momentin që do të dalë raporti i ODIHR dhe OSBE do të kemi një leksion për ndryshimet e mëpasme dhe mendoj se duhet të kemi një reformë zgjedhore sa më të shpejtë. Reforma zgjedhore besoj se ka kohë pasi zgjedhjet e ardhshme janë pas dy vitesh, ato lokale, pavarësisht atyre lokale të pjesshme. Mendoj se më me urgjencë është reforma territoriale”,-tha Koçi./CNA





Lajmet e fundit nga