web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e pjesshme në 6 bashki/ Kaso: PD duhet të hyjë në garë, dilemë politike dhe etike

1 Tetor 2025, 21:07, Politikë CNA

Zgjedhjet e pjesshme në 6 bashki/ Kaso: PD duhet të hyjë në

Deputeti demokrat, Ivi Kaso deklaroi sot se Partia Demokratike duhet të marrë pjesë në zgjdehjet e pjesshme që do të mbahen më datë 9 nëntor në 6 bashki të vendit, vendim që e cilësoi si një dilemë etike dhe politike.

I ftuar në A2CNN, Kaso u shpreh se këto zgjedhje e gjejnë opozitën në kushte të vështira, pasi pretendon garë të barabartë dhe rregula loje.

Kaso tha se pavarësisht vështirësive, opozita ka për mision të japë një alternativë për qytetarët.

“Dilema është politike dhe etike. Data e zgjedhjeve ka për të mbetur de facto 9 nëntor. PD do të duhet të marrë një vendim politik që të hyjë në proces zgjedhor në kushte të vështira për çdo opozitë që pretendon garë të barabartë e me rregulla lojë, sepse farsa zgjedhore që lamë pas tregon se një qeveri që ka përgjegjësi të organizojë zgjedhje me standarde, gjëja e fundit është që ta organizojë siç e parashikon ligji.

Kritikat ndërkombëtare ishin ato të një gare të pabarabartë. Këto do ishin motiv shqetësimi për çdo lloj opozite për t’u futur në zgjedhje.

Opozita ka si mision detyrë e vokacion dhënien e alternativës betejën me çdo mjet që ka në dispozicion pavarësisht kushteve. Edhe në këtë kontekst kemi patur një situatë analoge po nga ky president për Bashkinë e Himarës. Për këto zgjedhje GJK ende nuk e ka dhënë fjalën e saj. Nuk ka patur vendimmarrje që ta ndante këtë punë”,-tha Kaso./CNA

 

 





Lajmet e fundit nga