web counter
LEXO PA REKLAMA!

SHKARKO APP

App Store
Google Play

E fundit!

x

“Rama nuk prodhon më politikë”/ Këlliçi: Nuk i bojkotojmë zgjedhjet, do dalim me kandidat për Tiranën

1 Tetor 2025, 20:16, Politikë CNA

“Rama nuk prodhon më politikë”/ Këlliçi: Nuk i

Deputeti demokrat, Belind Këlliçi tha sot se Partia Demokratike nuk ka ndërmend të bojkotojë zgjedhjet për Bashkinë e Tiranës.

Në një dalje televizive, Këlliçi u shpreh se pas disa ditës do të vijë edhe një reagim nga ekipi ligjor i PD-së, lidhur me dekretin e sotëm të presidentit për caktimin e 9 nëntorit si datë për kryeqytetin.

Këlliçi shtoi se PD do të ofrojë në këto zgjedhje debat, program dhe platformë, teksa nuk ngurroi të akuzonte mazhorancën dhe kryeministrin Edi Rama se ka abuzuar me zgjedhjet.

“Duhet të presim pak ditë për reagimin e ekipit ligjor të PD-së lidhur me dekretin e presidentit. A do ketë apo jo zgjedhje, kjo është çështje tjetër. Po nuk mori pjesë opozita, kemi parë si është proceduar. A do kemi përballje me pozitën, kjo mbetet për tu parë.

Kemi sanksionuar në statut që kjo forcë politike të mos bojkotojë më asnjë zgjedhje. Jemi në fazën që nuk kemi ende një raport për zgjedhjet e 11 majit. Me këtë standard nuk shkon më procesi. Në Shqipëri nuk ka më zgjedhje, nuk ka program. Ka vetëm ndarje sipas grupeve të rrjetit kriminal. Grupet kanë secili interesa sipas zonave. Dhe jemi të qartë se Rama nuk prodhon më politikë.

Kemi një proces që është pro programit, debatit dhe platformës. Dhe një grup tjetër që e ka kthyer vendin në pronë private të kryetarit të samitit të Arubës, që është Edi Rama. I takon forumeve të partisë të vendosë mënyrat, procedurat por edhe kandidaturat. Të të lakohet emri vetëm në mediat shqiptare ndodh”,-tha Këlliçi./CNA  

 

 

 

 

 





Lajmet e fundit nga