web counter
LEXO PA REKLAMA!

SHKARKO APP

App Store
Google Play

E fundit!

x

Gara për Tiranën/ Ish-kandidatja e PD: Një nga përfaqësuesit e kupolës duhet të futet në garë

1 Tetor 2025, 21:51, Politikë CNA

Gara për Tiranën/ Ish-kandidatja e PD: Një nga

Ish-kandidatja për deputete e Partisë Demokratike, Ilirjana Kuçana e ftuar në A2 CNN, ka folur për zgjedhjet në Bashkinë e Tiranës.

Kuçana tha se në këtë garë, PD duhet të ketë njeriun më të fortë politik, pasi është një garë shumë e rëndësishme.

Më tej, ish-kandidatja e PD u shpreh se karrigia nuk është luks personal dhe njëri nga përfaqësuesit e PD-së duhet të futet në garë.

Një ndër emrat që ajo propozoi ishte dhe kreu i grupit parlamentar, Gazment Bardhi.

 

“Unë kam konsideratë shumë të lartë për tre kandidatët e opozitës që janë përfolur për kryetar bashkie të Tiranës, por unë mendoj që në këtë garë, kur PD-ja ka nevojë për frymëmarrje, duhet të futet në garë një njeri politik dhe njeriu më i fortë politik në PD. Kjo është garë shumë e rëndësishme. Një nga përfaqësuesit e kupolës së PD-së duhet të futet në garë sepse politika është risk dhe duhet të tregojnë shembullin. Duhet të lënë mandatin e deputetit dhe të futen në garë, duke treguar se janë të gatshëm për betejë. Karrigia nuk është luks personal. Ky është moment reflektimi të thellë dhe unë mendoj që njeriu më i fortë politikisht sot në PD duhet të futet në garë. Pse jo, edhe zoti Bardhi duhet të tregojë që për demokratët bën një sakrificë sepse është sakrificë të përballesh me të gjitha pushtetet që ka në dorë Edi Rama”, tha Kuçana./CNA





Lajmet e fundit nga